هذه المشاركة من قبل أخونا العضو فيصل واللتي كانت ضمن سلسلة شعراء القبابنة المعاصرين الذي تم حجبه ليكون جميع الشعراء (هنا) في هذا القسم وليسمح لي أخوي فيصل على نقلها هنا وإليكم مشاركته مع شكري وتقديري له

موضوع اكثر من رائع اخوي محمد القباني لحفظ موروث شعراءالقبابنه وهذه احدى روائع الغزل

لعفاس بن سعد بن عمير

اشكي غرامي واشتكي منك واشكيك=لولا الغلا منـك الجفـا ماشكيتـه
اول بدايت حبنـا قلـت شاريـك=وين الكـلام الـي تقولـه نسيتـه
تقول حبي مثـل ظلـك يباريـك=كنه خبر فـي صفحتنـا ماقريتـه
راجع حسابك والليالـي وامانيـك=مادري هدمـت الحـب ولابنيتـه

تقبلــــــــوا تــــحيــــاتــــي ،،،،،،،

ياعين يااللي عناها تو ماجاها = شافت من اللي على الماضي يرجعها
شافت اطلالً قديمة وانتثر ماها= ودقات قلبي على الاظلاع توجعها
هذي دموع الوفاء ياعين محلاها = ياليت راعي الغلا ينظر ويشفعها
لك في خيالي صورتنا منك خذناها = والثانية في سجل الصمت طابعها
مرت سنينا ً طويله ماحسبناها = نمشي مع ايامها ونقول مسرعها
اهوي نجوم السماء واسري بمسراها = واجيبها مع هموم الوقت واجمعها
كله من الي غلاها صار فرقاها = الاقدار في حكمها وشلون نمنعها

صح لسان الشاعر عفاس قصيدة رائعة بها من الذكريات الشيء الجميل فالشاعر إنسان حساس عندما يمر بأشياء تذكره سواء أطلال قديمة أو مواقف لابد وأن يتأثر بها ويسترجع الذاكرة وما مر بها من ذكريات

له مني كل الود والتقدير ولك أخوي فيصل الشكر الجزيل على طيب المشاركة

صح لسان الشاعر عفاس واشكرك يافيصل على المشاركة