حنّا سبيع اهل الحسام المحلا=ما عام من عامً وهل هلال
منّا ليا عدّو شغاميم العرب=خيالةً تضربّها الأمثال
مثل ابن ضاري والعمى وقريمط=وشبيبنا الدفّار حامي التال
وابن مشاري وابن هملانً جري=وعضيب والحظبي عما العيّال
وابرق نفيشً هو وبن قاعد=وابن العماني والصييفي جال
وعسّاف وصنيتان هو والأزمع=ربعً على ورد القنا ميّال
هم وابن جفران وولد الأدغم=وابن شوّيه وربعً على ما قال
وحجاب الأول ثم حجاب الثاني=ما ضاع منهم حق لو مثقال
وزامل ابن سليم وابن هديد=والشيخ ابن قطنان طيب الفال
وابن المليحي دغيّمً هو يا=ضرمان والروس الطوال طوال
وابو شدق مسحون البلا في كفّه=وابن جروه ليا كبرت الأقوال
وبجران هو والوايلي واللي معه=اهل العشر في جيلنً جلتها جيال
وولد الكبودي ناصرً والجبري=وابن رميزان وابن مثقال
ماجبت ذولا حقرةً فالباقي=لا والذي خلا الدقاق جلال
نماذج استشهدبها لا اكثر=والعذر لاامتد الكلام وطال
حيث ان سبيعً مثل ذولا واطيب=قبيلةً تسجد لها الأبطال
ما تنحصي فرسانها واعيانها=لاشك للتأكيد بالأقوال

صح لسان الشاعر ولاهنتي عروب القبابنة على النقل
تستاهل سبيع المدح والثناء وللشاعر الحق في مدح ربعه وفرسان قبيلتة

دمتي بخير