معاناة مواطن
<
هذي القصيدة اعجبتني كثيرا
فستمعوا لهذه الابيات الظريفه: معاناة مواطن مانـي متابع للسيـاسة والأخبــار ولا همـني أوباما ولافوز ماكـــيـن ولا همني وش قال حسني وبشار وما همني لو زادوا الهند والصين وما همني لو سوق الأموال منهار وماهمني لو كان خسروا ملايـين ماهمني الا راتبي ذا الشهر طــار كله صرفته يوم خمسة وعشرين بعثرت مدخولي على يمين ويسـار وقعدت وعيالـي نصفّـق بـكفــين 1300 عـلـى طـــول فــ إيــجــــار و400 مصروف جوال في زين و 1150 في شــركـــة إعـــمــار قرض ٍ أخذته وشفطـوه الشياطين و1100 تجديد وأتعـاب سـمــسار عندي استمارة مطوفة حول عامين و400 فــاتــورة المــاء والأنـوار حـتـى ولـو كـنّـا للأنــوار مـطـفـيـن وأمــا 800 بـســوي بها الــكــار سـيارة ٍ جـربـا ثــلاث وثــمـانـيــن لا شـمـة الراتـب يجـيها كـما الزار تنـفض مكيـنتها كما نـفض بوكليـــن وام العيال تـصـيح يا زوجي البار هذا الشهر عندي في القصر عرسين احتاج انا فستان من عشرة امتـار وأفصـله يا فـالح الـراي بـألفــــيـــن وأخر 100 بتروح في جيب كومار الحارس الهندي عسى فـاله الشـيـن ويقـول ما تـكفـيـه للفـلفـل الحــار زعلان يبغى فوقها زود خـمســـيــن وزادت معانـاتـي مع زود الأسـعار أصبح مثل ما قيل طاق ٍ بطاقـيــــن أزمة مسـويها مــداهن وتــجـــــار وراحوا ضحيتها الضعوف المساكين منـحاش من نـار ٍ وطـبيـت في نار ويا ويل حـظ اللي وقــع بيـن نـاريـن وإن الجمل صابر على الضيم صبّار وان طاح تكثر في جنوبه سكاكـين أبديت ما في الصدر من هم واسرار بأقولها واخلي الخافي يــبـيــــن يا شيوخنا لا لا تغضون الأبصار صار المواطن يشكي العسر والدين وانتم به ادرى ياطويلين الأعمار |
< صح لسان القائل وشكرا على النقل |
< بنت الوطن لك الشكر والتقدير على المشاركة والقصيدة الطريفة والمعبرة عن الحالة والمعاناة التي عاشها الشاعر ولا نقول إلا كان الله بعونه وعون من هم على شاكلته تقبلي أرق التحايا |
< الحارس الهندي عسى فـاله الشـيـن ويقـول ما تـكفـيـه للفـلفـل الحــار زعلان يبغى فوقها زود خـمســـيــن وزادت معانـاتـي مع زود الأسـعار كلام كبير وشكراً على نقل هموم الكاتب ،،،،، تقبلي تحياتي ،،،، |
| الساعة الآن 08:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by