قصيدة في الشيخ فراج بن تركي بن رشود
<
قصيدة للشاعر والراوية رشيد بن مساعد القباني وهي مدح وثناء موجهه للشيخ فراج بن تركي بن رشود القباني رئيس مركز قرية حراضة إحدى قرى القبابنة التابعة لمحافظة الأفلاج
يقول من هو صاغ زين المثايل=ويصونها عن كل عيب ومناقيد نقح بيوت مفردات جزايل=يطرب لها اللي مولع بالأناشيد أقولها في مدح وافي الخصايل=النشمي الشغموم قرم الأواليد فراج بن تركي حميد الفعايل=حر إلى منه شهر طلعه بعيد ماهوب خبل ٍ في المجالس يفايل=وإلى من نصي راحت علومه هرابيد فراج شوق منقظات الجدايل=سباق للعليا صدوق المواعيد عندي على مدحه ثبوت ودلايل=ولا خير في مدح ٍ على غير تأكيد طيبه وراثه من الجدود الأوائل=ولا هي غريبة من حفيد الأجاويد ربع ٍ ترحب بالركاب الهزايل=إلى لفت ونيات من نازح البيد فراج شيّال الحمول الثقايل=لا من برك للشيل ماهوب رعديد ينهض ولو ثقلت عليه العدايل=ويشيل حمل الضيم لو وزنه يزيد قرم ٍ عوايده الوفاء والجمايل=ومنين ماتبغيه فأبشر بصنديد يستاهل البيضاء صبي الصمايل=وغير الثناء والشكر مالي مقاصيد هذا وصلوا عد وبل المخايل=ماغرد القمري على الدوح تغريد على النبي اللي عدل كل مايل=وممهد للأمة الإسلام تمهيد |
< صح لسانك ياابوخالد ولسان الوالد رشيد بن مساعد ويستاهل المدح فراج بن رشود القبانى .
|
< لاهنت يابوخالد ،وصح الله لسان الشاعر الكبير رشيد بن مساعد،ويستاهل أبوتركي المدح ولايستغرب الطيب من هل الطيب،،،،،
|
< الأخ الكبير محمد القباني
نشكرك جزيل الشكر على هذه القصيدة من شاعر القبابنة وروايها رشيد بن مساعد . في حق الشيخ فراج بن تركي فهو يستاهل المدح والثناء وفعولة البيضاء خير دليل . |
< ماقصرت يابوخالد على نقل الأبيات الوافية من الشاعر الكبير ابومساعد
الله يمتعه بالصحة والعافية ويستاهل الشيخ فراج بن تركي ماحصله |
< اقتباس:
|
< اقتباس:
|
< اقتباس:
والشيخ فراج معروف بالأفعال والخصال الجميلة الله يعطيه الصحة والعافية ولايهون الشاعر والراوية رشيد بن مساعد |
< اقتباس:
والله يمتع الشاعر والراوية رشيد بن مساعد والشيخ فراج بن تركي بالصحة والعافية دمت برعاية رب العزة والجلال |
| الساعة الآن 12:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by