أنا درّبني الوقت وعسفني=إلين أصبحت تالي الوقت دارب
حياتي والتجارب علّمتني=ومن جرّب تكفيه التجارب
عرفت أصحابي اللي عايشوني=عرفت أهل المشارق والمغارب
أحد منهم معي صادق مشاعر=وأحد منهم معي سدد وقارب
ولكن يانديمي خذ كلامي=فترى مافي كلام الحق ذارب
تعوّد للخشونة والتقشف=مصيرك للشقاء وين أنت هارب
تحمّل موجة البرد الشديدة=تروح الشبط وتجيك العقارب
منامك فوق حزم العزّ ساعة=ولا ذلٍّ على دمث المضارب
وناسٍ ماتودك صد عنها=عطتك وجيهها ولا الغوارب
ليا شفت الشوارب كيف حالك=لاترجي خير من ذيك الشوارب
ومادام إنك تشوف الفار حولك=اتوقّع طيحتك ياسد مارب