هيّض المشحون ليلٍ به الملعب كبير=عرضةٍ تهزّ الارض ويثور غبارها
صفّ ربعي يتعبون العدو سعد العشير=كم عدوٍّ هاز ربعي وذاق امرارها
لاد قبّانٍ هل الطايلة يوم الحشير=يوم معركة القرايا تذيع اخبارها
جا رشاشٍ يبغي ديارنا واقفى قصير=انكسر جيشه وروحه وقف مزوارها
جا حراضة والستارة من الغيل النذير=واتّفق موعد بني عمّنا بديارها
طنّب الصايح وكلٍّ عدا صوبه امغير=ماتحرّينا لرسم الخطط وافكارها
جا على سمران يومٍ عبوسٍ قمطرير=ونستعن بالله كسّارها جبّارها
احتمينا بالمشوّك وقلنا يالمير=شبّ نيران الحرايب يجيك كبارها
لحق خمس امية وخمسين خيّال ٍ مغير=مع ثمان امية وتسعين في مضمارها
كتّم البارود وسط الضحى مثل الغثير=لين غطّى نايفات الجبال ودارها
الفشق مثل البرد هلّه الجمع الغفير=لين قفّى المجرم اللي بلدنا زارها
في حدبة الشام ينجال عاصوفٍ خطير=ماكلت نار الحرايب ياكون اخيارها
المخنّق ضاق بين المعقّر والكسير=ننتحر من دون هدب الجريد وجارها
جا على العسكر نهارٍ بشرٍّ مستطير=شبعة الضبعة وطير الهوى بجوارها
طير ياللي بالجناحين رفرف للمطير=انحر ام قويع تلقى الوطيس يسارها
من فعايل صلب جدّي مطوّعة الوزير=يوم جا يبغا القرايا وشدّ احصارها

صح لسان الشاعر عبدالله بن فايز وبيض الله وجهه قصيدة جزلة من شاعر جزل
والله لايهين كل شاعر يفتخر بربعه وبقبيلته وكفو لاد قبان
مشكور الدبلوماسي على طيب المشاركة

دمت برعاية رب العزة والجلال

لاد قبّانٍ هل الطايلـة يـوم الحشيـر يوم معركة القرايـا تذيـع اخبارهـا


والله ونعم

صح لسانك يالشاعر عبدالله بن فايز والف شكر لك الدبلوماسي على النقل الطيب

المشاركة الأصلية كتبت بواسطة محمد القباني (المشاركة 29272) صح لسان الشاعر عبدالله بن فايز وبيض الله وجهه قصيدة جزلة من شاعر جزل والله لايهين كل شاعر يفتخر بربعه وبقبيلته وكفو لاد قبان مشكور الدبلوماسي على طيب المشاركة دمت برعاية رب العزة والجلال

يستاهل ابوفايز كل طيب..
ومشكور يابوخالد على مرورك الجميل..

المشاركة الأصلية كتبت بواسطة راشد السبيعي (المشاركة 29286) لاد قبّانٍ هل الطايلـة يـوم الحشيـر يوم معركة القرايـا تذيـع اخبارهـا والله ونعم صح لسانك يالشاعر عبدالله بن فايز والف شكر لك الدبلوماسي على النقل الطيب

ماعليك زوود .. يابن العم ..
ومشكور على مرورك الطيّب ..

المشاركة الأصلية كتبت بواسطة حد الرهيف (المشاركة 29296) هيضتنى والله ياالدبلوماسى على هاالحربيه ,, وشقول ....والله انى ششت . مااقول الاصح لسان ابوفايز وصح لسانك ياالدبلوماسى

من طيب راسك .. طال عمرك ..
صح بدنك .. وشرّفني مرورك ..

المشاركة الأصلية كتبت بواسطة ولد بداح (المشاركة 29303) يامال العافية يارعي الجزل ماتجيب الا جزل بيوت وقصيد وعلوم وافية الله يبيض وجهك وصح لسان شاعر القبابنة الشاعر الكبير والراوي / عبدالله بن فايز القباني تحياتي لسفير الكلمة لاهنت

الله يبيض وجهك ياغالي وصح لسان الشاعر عبدالله بن فايز القباني

المشاركة الأصلية كتبت بواسطة ولد العناقيد (المشاركة 29325) الله يبيض وجهك ياغالي وصح لسان الشاعر عبدالله بن فايز القباني