عزتي للمشتحن من دمع عينه ..!!
<
هذه قصيدة من قصائد الشاعر الكبير / عبدالله بن شايق .. مما راق لي ..
يا عيوني فيك للعبره مواري = عزتي للمشتحن من دمع عينه تسعة اشهر جاريه و الدمع جاري = ما بقى يا عين شيٍّ تذخرينه لا درا حيٍّ ولا حيٍّ بداري = يدري اللي عز مكه و المدينه يالله اشرح خاطري عقب الطواري = و ارحم اللي دايمٍ نفسه حزينه مايبي منصب و لا سوقٍ تجاري = يطلب انك ترحمه وانك تعينه قاله اللي ما دخل جوٍّ حضاري = تاركٍ القصر للي مهتوينه ما يبي غير الصحاري و البراري = و النفود اللي بها للصيد عينه في نفودٍ قفر ونقص الاثاري = فوق جيبٍ لا درج مثل السفينه خبةٍ فيها الارانب و الحباري = عيشتي من دونها غبن وغبينه و رملةٍ في صيهدٍ ماهي ذواري = و الغضا من عصر فيها حاطبينه و الدلال الصفر مع بيض الغواري = نجرها في جنبها تسمع دنينه و اخوياي ثنين و الثالث امباري = و هادي السايق عسا تسلم يمينه يا حياة الشين يا دنيا العزاري = ليت عصر فاتني ترجع سنينه اتركوني في الخلا حدب و صحاري = و الله اني قابلٍ زينه وشينه |
< يا حياة الشين يا دنيـا العـزاري ليت عصر فاتني ترجـع سنينـه
قصـيده رائعه .. للـشاعر عبدالله بن شايق اعجبتني لاهنت يالدوبماسي على هذه القصيده الطيبه تحيتي لك ... |
< اقتباس:
ولاتهون .. يالذيب .. ومشكور على المرور الجميل .. |
< عوافي
|
< قصيده رائعه
سلمت الأنامل |
< اقتباس:
بيض الله وجهك يالدبلوماسي على الإختيار الموفق وصح لسان الشاعر عبدالله بن شايق |
| الساعة الآن 12:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by