عاشق نجد مبسوط
<
هلا والله أخواني الله مير يسلمن ويسلمكم والله إن لكم وحشة وأبشركم عطلت أمس والحمد لله ما بغينا نطلع أعوذ بالله من هالدراسة لكن إن شاء الله إني ناجح والتقدير مقبول عادي أهم شيء أفارق الإستاد فاروق حق الإنقليزي ياهو علة ذبحن بالواجبات أما الرياضيات مالت علي ياهي حقنة على بالي علمي وبصير طيار وأسافر بالناس وأجيبهم وأوديهم بس اللي محزنن الهايلوكس توه بالورشة والعالم رايحة وجايه للقصيم ديرة هلي وربعي لا تمشيت بشارع الخبيب كني تحت برج المملكة وأنا والهايلوكس الغمارتين أتلفت يمين ويسار من قدي بدون مكيف الله يخلف المهم إني أفتكيت ماصدقت على الله بروح فكوني ودي قبل ما أنسى إنكم تسلمونن على المشرفين القباني ومساعد وفهد ال ثلاب ومحمد القباني على سعة صدورهم المفتوقة آسف المفتوحة وإعذرونن تكفون على سوء التعبير الإختبارات قلبتن تحت فوق الله مير لا يشغلن إلا بطاعته وسلام خاص لحد الرهيف ماناب ناسيه جزاه الله خير هو الوحيد اللي دايم يدعي لي أيام منتدانا المغبر تبون شي توصونن بشي والله جلسة بنفود الثويرات بعد هالمطرسة قصدي المدرسة تسوى شي كثير العدة موجودة والنار غضى وبريق الشاهي وفصفص أم عزوز ترى ماناب ناب ناسيكم إعذرونن بس وأنتم بقلب عاشق نجد |
< وين ياعاشق نجد وين انت الله يهديك شاطفنا شطف وتاركن ادورك بسوق الجردة والشزة = الشقة ، وألفلف بشارع السادة اثيرك عندك امتحان ، كان علمتن وعلمت المنتدى ، وياخي انت مهستر تروح نفود الثويرات تذاكر بعيدة كان رحت نفود الغضا بعنيزة ،، على العموم ماحصل الا خير .
وعلى طاري المنتدى المغبر كله منك مغبر بلا تحب الرشة على الهايلوكس وتطعس بالنفود وهي ماهي ممطورة ويجينا السافي والغبار وغبر منتدانا الاول وان شاء الله رحنا يم العين الباردة وشف المنتدى وش صار غدى غدير . الله يوفقك ياعاشق نجد لا تنسانن تراني دعيتلك القباني |
< الله يسلمك ياعاشق نجد ومبروووووووووووك النجاح , ويللا يامشاركات بأنتظارك ,
|
< هلا بـ عاشق نجد عدت والعود أحمد وسلامك وصل يالغالي وين رايح ؟ لا تسافر وتخلينا كلنا شوق لمشاركاتك وإبداعاتك مع تحيات أخوك محمد القباني |
< ما شاء الله تبارك الله
مبارك لك مقدما ولواءاً المهم عيدية النجاح لا تنساها لنا |
| الساعة الآن 11:46 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by