يا سائليني ليـه غابـت حروفـي=ما باقـي إلاّ نازفـات الرعوفـي
الحرف ينـزف والمعانـي شهيـده=سطا بها وقت الجهـل بالسيوفـي
تراجـع العقـل والعلـم والكـرم=وتقدّمت رجل الجهـل والكفوفـي
كل(ن) لقى له في هوى النفس متعه=ساد الذهب والجيّد الّلـي يحوفـي
أقولهـا ولـي بـالأيـام خـبـره=قلّبتـهـا وقلّبتـنـي ظـروفــي
نقلتهـا ثـلاثْ سنـيـن حـجّـه=يوم(ن) حزين ويوم تقرع دفوفـي
كل(ن) يموت وطيّب الذكـر باقـي=خطلان الأيادي مكرمين الضيوفـي
سلّم على الّلي كل مـا زاد حملـه=شال الحمول وقدّمتـه الصفوفـي
هذا على غيره من النّـاس يفـرق=كريم نفس(ن) بالمراجـل ينوفـي
حطّه على يمناك لي صرت ضايق=ماهوب عن حوض المنايا عزوفـي
يعجبك بالحضره ويعجبـك غايـب=ويعجبك إذا كثرت عليك الصدوفي