منتديات القبابنة - الصـــــــــــــــــديق

أنا الصديق اللي لياطحت شالـك=لضامتك دنياك والوقت بك مـال
أنا يمينـك شدنـي فـي شمالـك=يمنى بلا يسرى ترى حالهـا حـال
انا عـزاك وعزوتـك لا جرالـك=من تاعس الدنيا هواجيس واهـوال
ماني من اللي لاغتنى مـا وفالـك=لو لك عليه من الجمايل والأفضـال
وماني صديقك كان وقتك صفالك=أنا صديقك لأدبرت فيك الاحوال
خذني عصى موسى إذا كنت هالك=لمسحلك بحور القهر قول وافعـال
فالك عسى الله يسعد اليوم فالـك=فالك عقب صوم الدهر عيد شوال
وبالك يجي في خاطرك يوم بالـك=انك تغيب ولاتجيلـي علـى بـال
لا .. لا تفكر انت في مثـل ذلـك=إني اتخلى عنك لـو الزمـن طـال
ما اقول انا ياعـم مالـي ومالـك=ماترخص العشره ولا تغني امـوال
اسمع جوابي قبل ما اسمـع سؤالـك=خارج حدود التغطيه وارسل ارسال
على محيط السالفـه حـط دالـك=أجيك رجلي كان ما جيت خيال!
انا لياشح الزمـن فـي وصالـك=تمدني النخوه على وصلك حبـال
انا عمى عيـن العـدو لا نوالـك=انول روحه قبل ما روحـك تنـال
بينك وبين الشمس شجرة ضلالك=ماللشجر قيمـه إذا مالـه ضـلال
والليل لو الليـل مظلـم وحالـك=ترسمني الظلمى على صـدره هـلال
ماني ولد عمك ولا اغلى عيالـك=خطوى الخوي يسوى بني عم وعيال