هذا الله يسلمن ويسلمكم
زميلنا بالمنتدى يمكن تعرفونه
العروان
انزلق في غياهب المنتدى ( صفقونن ) اذا عرف معناها ولد امير الشمل
المهم نرجع لموضوع العروان انزلق وجاه شد عضل بيده :c040: تدرون ليه ؟
فاصل ونواصل

يقولون فيه واحد محشش طاح من السلم جاه مصري بينقذه قال له قت سليمة قال المحشش خلها تدخل :c040:

هالشد اللي جا زميلنا تدرون وش سببه هو الله يسلمن ويسلمه من الناس المجتهدين
والظاهر شاف الجماعة حطوه مشرف :h035:
مسك خط بالمواضيع وخذ يا رد قلب المنتدى فوق تحت حتى انا :a02010: والعياذ بالله من كلمة انا مالقيت مواضيعي وانا اللي ابلغ عنها قلت مسروقة مير وانا اللي اقرب الهايلوكس وآخذ لفه بالمنتدى والله وإلاهالمواضيع اللي مشبه عليّه يوم قلبته ودققت النظر بالصفحات وانا اللي القاها بالاخير منطولة قلت من العروان مقبولة
ماشاء الله عليه ( من شان لا يقول بينحتن عاشق نجد )
ليتكم تفهموها وتحركون المنتدى بردودكم ومشاغباتكم
تبون الجد وإلا عمه ( ياروحي ياعيضه المنهالي ) ماقصر العروان وبيض الله وجهه اما اللي مسجلين ويدخلون مطفين انوارهم لا مشاركات ولا مداخلات هذولي مريضون نفسيا يدعى لهم بالرحمة اللهم لا شماته
الزبدة والمهم انه اصيب بشد عضل بيده وهو الان يعرج منها على قولة ولد امير الشمل الله يرجك رجت صميلن :c040:
سمعت انه ناوي يسافر لجيزان رحلة على حسب ماصرح به المصدر المسئول علاجية
تمنياتنا للعروان بالشفا العاجل والله يانت فقيده على :c020:
عاشق نجد

جزاك الله خير ياعاشق نجد صراحة ممتع بافكارك وكتاباتك

العروان
الحمد لله على السلامة

إخوتي
محمد القباني ولد بداح حد الرهيف العروان
ماعليش جبت اللي فوق تحت واللي تحت فوق ذبحونن بالرجة
الله مير يسلمن ويسلمكم مشكورين على الفزعة وبيض الله وجيهكم عز الله إنكم
تستاهلون التحية والسلام عدد مافريت الهايلوكس ومسكته خطوط من الرياض للقصيم من القصيم للرياض
ولو معي لياقة بروزت كل واحد بصفحة ودقيت سلام عسكري على بالي بموت مالقيت وظيفة مامن واسطة
تخبرون وظيفة تعبت من السواقة