من نشدني قلت مانيب دعجاني
<
اخواني زوار واعضاء منتديات القبابنه السلام عليكم ورحمة الله وبركاته اليوم السالفة او القصيدة من الدعاجين من عتيبة وهي قصيدة مشهوره جدا للشاعر غازي بن عضيب الدعجاني ويذكر انه في عام 1352 هـ إحتاج المرحوم غازي بن زيد بن عضيب الدعجاني لصديقه عبدالعزيز بن عبدالعزيز بن ماضي. فقام ابن ماضي بواجبه على أكمل وجه.. وقال المرحوم غازي هذه القصيدة إعترافا بجميل ومعروف إبن ماضي:
واعذابي من غرابيل الزماني = حتت الزهب وقربتنا رديه والصديق من العدو اليوم باني = مثل ابن ماضي ومعروفه عليه ياهل الهجن المراديم السماني = خبروا بي عند صبيان الحميه في عيال العود ذربين اليماني = مكرمين الضيف يوم المعسريه من نشدني قلت مانيب دعجاني = من يمش الوسم عن خد المطيه ليت جدي من هتيم أهل الهواني = كان لا نشره ولا يشره عليه يازبون الحرد ياهيف السماني = من زبنكم عدة الله في عليه مزبن اللي قطعت عنه العواني = دام راسك حي فعظامي قويه ماندوبح فــ لغباء نعطي البياني = لازبنت قطان مالي بالرحيه من ورد بحبالكم شرب اسمهاني = مايجلي كود مقطوع الدنيه وإن طويت الياس من كل المعاني = أقطع الفرجه وانا نفسي قويه ضربوا كوري على بنت العماني = والديار اللي نبيها في يديه ماركب بأكوارهن خطو الهداني = لو أرد الشور له ضيم عليه ماعليها إلا المشوك فــ الماني = الخوي اللي يفرج عن خويه مافزعت إلا بحر صيرماني = ماذكرته لين دورني سميه المصدر / زهور من الصحراء الجزء الأول الطبعة الثانية 1410 للشاعر زيد بن غازي بن عضيب الدعجاني العتيبي (ابن الشاعر) وسلامتكم |
< صح لسانك ولسان العتيبى , عز الله يستاهل ابن ماضى هاالقصيده اللى فرج له كربته ,, لاهنت ياولد بداح
|
< اخي الكريم حد الرهيف مشكور لتواصلك وتقبل تحياتي |
< أخوي ولد بداح بيض الله وجهك على السالفة والقصيدة رائع دائماً بارك الله فيك كل عام وأنت بخير دمت برعاية رب العزة والجلال |
< اقتباس:
ماعليك زود يابوخالد ومشكور على مرورك وردك الطيب وتقبل تحياتي |
< صح لسان الشاعر العتيبي
وصح لسان كل من نقل عنه بارك الله فيك يا ولد بداح |
< اخي الكريم ابن عبدالله اسعدني مرورك وتقبل تحياتي |
< صح لسانك ولسان الدعجانـــــــــــــي
|
< مشكور يالعروان وكل عام وانت بخير والساعة المباركة عودتك للمنتدى |
| الساعة الآن 05:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by