هذه القصيد لشاعر من القبابنة يروى أن عمرها أكثر من ( 400 ) عام للأسف لم أعثر على إسمه
علماً بأنني لازلت أبحث في بعض المراجع والبحوث لأتمكن من الوصول إليه
وكذلك التحري من كبار السن والرواة وممن لديهم الخلفية عن تلك القصيدة التي وثق بها شاعرنا
بعضاً من صفات القبابنة وبعضاً من ديارهم ومواردهم
كلي رجاء بمن لديه معرفة أو خلفية عن تلك القصيدة وشاعرها أن يتكرم مشكوراً بتوضيحها
لأن مثل هذه القصائد
تعتبر تاريخ مهم في حياة القبابنة ولابد من توثيقها وللجميع مني كل الحب والتقدير

شرنا ولا طاعوا وشاروا وطعنا=والأشوار فيها معي وسمين
نبغا الحيا وتقودنا يمت الحيا=ونتبع دواهيم السحاب منين
وصار الحيا اللي قاصدينه تلزي=وقت ٍ على العالم يشيب العين
ويقول إبن قبان وهو له فاطر=لا جاء توالي الليل تجر حنين
حطت لها معواد البريكه جريره=وأحدها يسار وتروح يمين
تبغي دارها عسى الحيا يم دارها=يومها فيه وهي شاحم بدين
مخيلت ٍ من جر برك إلى الحمر=من جاء منها يذكر السيل رسين
ووادي أبرقيه عقب الخرج سيلها=غاشيه من نو السماك غظين
تسج النعامه في مثاني إرجوعها=ويدنى لها فوق القليب هجين
لا وردت ماهقت إن أحد ٍ يضدها=ومن واردها على الماء يصير عوين
عسانا من الحي الذي ينزلونها=ونجي عليها بالبيوت قطين
ديرة بني عمي هل المدح والثناء=وجيهن لا شانن الوجيه تزين
مشحمة أرقاب السري لضيوفها=هذي جذوعه في الجزوع درين
قوم ٍ تسلي الأجنبي عن لابته=لو عندهم قام أشهر ٍ وسنين
خفاف النفوس إن شفتهم وسط مجلس=وإن شفتهم فوق الأصايل فغضبين
لا جاء النذر من يوم قوم ٍ شريره=عند النعقل في الملاقا ثقيلين
مقياضهم في الغيل في وادي السري=في محضّرات ٍ حيطت بالبساتين
ومرباعهم في الصلب لا زان مرتعه=لا ذكر قفر ٍ ينزلونه جريين
هذا وأنا ما أسقطت حق القبايل=ولا والله أهفي للقبايل موازين
كل ٍ بحده واقف ٍ دون حقه=ولو قلت أنا أطيّب فالقبايل معيين