ومنا مشل بيطار الاشعار والقيفان=يحلل مسير المعركة من بدايتها

صاح الصياح وقال يا لاد ابن عم=البل خذوها كاسبين الوجايب
قفوا بها الجبلان كنها لهم ذم=وصكوا عليها راكبين النجايب
يا ظفرهم لا زرفل الجيش والتم=والموت عند إقفيهن والحطايب
ولحقوا هل السربة يزمنهم زم=مركاضهم كودٍ على كل خايب
مركاضهم عن خاطري يبعد الهم=عاداتهم في الضيق فك الكرايب
قبابنة تروي النمش زرقهم سم=لا لحقوا البل ما إحتروا كل غايب
قامت تثنى للحوار وترزم=من عقب ضرب يودع الورع شايب
يا نعم يارجلٍ إلى من هرج تم =ابوخريزان عطيب الضرايب
ونعمٍ باأبو شينان ما يلحقه ذم=دربى جواده في محير الجلايب
والنعم بصبيان الجمالين يعتم=كسابة الناموس يوم الحرايب
خيالهم لامن ركض ينثر الدم=يردون لا منه كبى كل هايب
وطريحهم لا طاح مهوب يسلم=اما تعشته الجعر راح عايب