لاتخلي هايمك والله حرام = كم انا المحتاج والله العظيم
لاهب الاشواق نيرانه ضرام = احرق لقلبٍ من اسبابك اليم
ليتك تشوفه قبل يمسي حطام = تحيي اماله قبل يجلي هزيم
الامل باحساسك وصدق الغرام = والرجا تمشي بخطٍ مستقيم
والرجى لاترمي رماح وسهام = تغري اللي شفت به ندٍ غريم
خلّك بدنيا المقيّد بالهيام = لين ماكفّك به الحنا تقيم
وقتها معذور في سلّ الحسام = دون عشٍ باركه ربٍ عليم
مير رجوايا ولو من بعد عام = اعرف احوالك ومن هو لك نديم
من بثيرك لاكسى جوّك عسام = وياترى ترجع تذكّر للقديم؟
صاحبي وبرب زمزم والمقام = ان دمعي مثل دمعات اليتيم
هو شعور اجتاحني بعد الكلام = وارسمه حرف المعنّا والسقيم

شقران