بسم الله الرحمن الرحيم
اخي الكريم العروان السلام عليكم ورحمة الله وبركاته وبعد شكرا جزيلا لك على المرور بطاش ماطاش ويعافيك ربي وصح لسان الشعراء واليك هذه القصيدة المنقولة والتي لم اعثر على قائلها صح لسانه وسلم نبضه وبنانه والله يهدي ضال المسلمين ويرده الى الحق ردا جميلا
البارحة كن الفضاء غرفـة انعـاش
وانا المريض الـي حياتـه كسيفـه
والهـم ذيـب ٍ للمعاليـق عـراش
والقلب شيخ ٍ واعظم الحزن ضيفـه
واليا نشدنـي واحـدٍ قلتلـه مـاش
مابـه جديـدٍ للقـديـم بنضيـفـه
ياليتها ضيق ٍ فـالأرزاق واعتـاش
اعتاش لو ما القى بعمري وظيفـه
وليت السبب حب ٍ للأطراف رعاش
كـم ٍ وليـف ٍ ماحصلـه وليـفـه
مير البـلا لاشفـت للديـن نهـاش
من النفـوس الحاقـدات الضعيفـه
ومن عادتي لا جبتها جبتهـا كـاش
واللي زعل يزعل على كيـف كيفـه
هذا جوابٍ عاجل لطـاش ما طـاش
يخزي وجه ناصر ويخـزي حليفـه
مانقبل الصـوره بتفكيـر حشـاش
لأهل القلوب الطاهـرات الشريفـه
لا عاش من يشتم هل الدين لا عاش
ولا عاش من يشهر على الدين سيفه
ذولا هل التوحيد يالغـادر الغـاش
ريفك وريف اللي خذا الوقت ريفـه
قلوبهم بيضا وابيض مـن الشـاش
وافعالهـم عنـد المعـادي كليـفـه
ذولا رجال الدين يا... الاحـواش
الله مكرمـهـم بمـلـه حنـيـفـه
والا انت ضايع بايع الديـن ببـلاش
بصيرتـك بيـن البصايـر كفيفـه
بكره ليا جتك المنيه علـى فـراش
ومرت حياتك قدم عينـك عصيفـه
وحسيت في روحك تراقى مع الجاش
ودموع عينك فـوق خـدك ذريفـه
عرفت بأنك مرتكيلك علـى قشـاش
وانك ظلمت اهل القلوب النظيفـه
في وقتها مالك من الموت منحـاش
بيحاسبـك راع العـدل والنصيفـه
ولحدن بمرمش لا توفيـت برمـاش
جيفه ومن يبكي من النـاس جيفـه؟
ان عشت يا خفاش وان مت خفـاش
مايفقـدك غيـر العقـول الخفيفـه
وختامهـا مانـي بجايـك برشـاش
لأنا بحكم اهـل السيـوف الرهيفـه
مير افهم الموضوع ياطاش ماطاش
واترك تفاهـات اليهـود السخيفـه
منقول وانت سالم وغانم والسلام