من القصائد الجميلة قصيدة للمرحوم صقر النصافي وقد جاراه بها الشاعر فيصل الرياحي اترككم تستمتعون بالقصيدتين
اليـوم ياعينـي علامـك ترفيـن=ولانتي علي العاده بنثر الدموعـي
اما يبي يلفيك علمـن ماهوزيـن=والااتذكرماغـدى مـن اربوعـي
ياكثرما نذكر من النـاس غالييـن=حدرالثري ماعاد فيهـم رجوعـي
راحوا مراحن منـه ماهـم ملفيـن=صارت منازلهم عذابـن لشوعـي
الله علي وقت مضى مثل هالحيـن=ابعد علي اليوم من حبـي كوعـي
اليا ذكرتـه والمخاليـق غافـيـن=جريت مايفتح مفالـج اضلوعـي
يوم ان وقتي مقبلن يا ادعج العين=عروس عشق ومعجبتها الدفوعي
واليوم وقتي صار بين اليهاهيـن=اليا طاب لي يوم خبث لي اسبوعي
دنيا نبي منهـا عـدال الموازيـن=وتميل لوني في خطاها جزوعـي
تضحك لناس بالفـرح مستمريـن=وناسن تجيهم بالكدر والفجوعـي
وصارت بها سود المقانع شياهين=وفحولها صاروا تبـوع التبوعـي
وهذا رد الشاعرفيصل الرياحي علي قصيدة صقر النصافي
العين حساسه ومادراك ما العيـن=تعطي خبر عن ماتكن الضلوعـي
ياخذ خبرها نسبه الصدق تسعين=من واقع الحال وصفاه الطبوعـي
وعين النصافي يوم رفت لثنتيـن=امـا فـرح ولا علـوم تـروعـي
مقاس الاحساس وصدور البراهين=والتجربه بين الضرر والنفوعـي
حياتنـا هـاذي مياديـن تمريـن=والسبت مايحلق نهار الربوعـي
اسبوعها هالحين ياصقر يوميـن=وعود شهرها مثل راس السبوعي
مكاره تلبس من المكـر وجهيـن=وتنصب مطبات الخطر للوقوعـي
مجنونه والناس فيهـا مجانيـن=الا التقييـن السجـود الركوعـي
وجدي على وقت تقافا من سنيـن=وهذا مثل ماقلت صعب الرجوعي
احن للماضـي حنيـن المحبيـن=علي بعضهم يوم فرقا النجوعـي
ليا لاح براق من سهيـل ويميـن=وبرق شمال ونوهـوا بالنزوعـي
ذولا مسانيـد وذولاك منحـيـن=ساقتهم اخبار المطر والرجوعـي
بدو خلت مرحانهـم والمعاطيـن=ماحولها غير السـراب اللموعـي
معـاد فيهـا مبـرك للبعـاريـن=ولاالغراب اللي عليهـا يقوعـي
تفرقوا كل علـى رغبتـه ويـن=يتلون شف مذربـات السموعـي
الوسم طاح وساقوا البوش عجلين=يلعب مغنيهم بـروس الفروعـي
الا ثنيـن بالـغـرام متهـاويـن=هاك النهـار ينزفـون الدموعـي
هذاه وجـدي يازبـون المخليـن=وانا بوقت منه يصعـب طلوعـي
صابر وهمي مندفن في الشراييـن=لا الوقت وقت لي ولا النوع نوعي
ياصقر سامحني بعد رفت العيـن=وتم البحر والقافيـه والقروعـي
ماقول غير الله يحفظ السلاطيـن=اللي علي شعب الجزيره دروعـي
وسلامتكم