يامل قلب ٍ بنات البدو هجن به=هجيج ذود ٍ سرى في ليل يدعابه
اتلا العهد به زمان ٍ راح يلعبه=مع كامل الوصف مدري وين ولابه
غرو ٍ جميع الوصايف فيه منكبه=كن الحلا في جسدها دق مركابه
ذاب الشعر ياعرب يوم اتوصفبه=حتى القلم والورق اعلن له اعجابه
العين بحر ٍ وكن الحور تسبحبه=والرمش عجز التوصف فيه ماجابه
وخد ٍ يلالي يعكس انوار تسطعبه=مالوم من شاف زينه يوم هذرابه
وشفايف ٍ وسطها النيران مشتبه=هنيت من كان ملك ٍ له وحلابه
شاش ٍ هواجيس شاعر قام يكتبه=متغدي الشعر حتى لايتعشابه
في وصف سيد الحلا الجزلات منصبه=بطرق ٍ ليا سمعها العصفور غنابه
يالعنبو من يلوم اللي تولعبه=ويالعنبو من تنكر عشرة اصحابه
الغر لولا الحلا لاماحد ٍ حبه=والرجل لولا المراجل ويش يبغابه
هذي نهاية بدايه مالها سبه=والله يذكر زماني ويذكر احبابه

ناصر القريشي