ابدا بذكر الله فوق السلاطين
الوحد المعبود راعي الكمالي
اللي له العربان جاتك امطيعين
رافع سموات مثبت الجبالي
وبعدهاا باتوجد واتوجد شين
وكثر التوجد يظهر اللي بحالي
وجد الذي مسجون له عدت اسنين
في دم والمقتول اقرب موالي
ابدم ابوه املطخ يا المسلمين
وفي وسط سجنه ما درى وش يصالي
زلت يمينه ولعن ابوها من يمين
داست على الترباس وصارت بغالي
والاعجوز قربت له سكاكين
العمه اللي عزرت به ليالي
والا حياة معلقه في بزارين
اخوانه اللي توهم بالجلالي
والا من ام(ن) ترتجي يا الله معين
ابشوفت المسجون قبل الزوالي
والا من الباب اللي خلفه الشين
ماضنتي يجلس به انسان سالي
والا من العبد الذي واقف الحين
يؤ مر بقتله ثم نفذ بحالي
على الذي وسط الحشى حط قصرين
واقصور حبه ثابته لا تزالي
ويقول قلبك مايتحمل لشخصين
ودقات قلبك ماتسير بعدالي
اما تخيرني وانا كامل الزين
والا عنود(ن) تدعي بدلا لي
وانا اتحدى كان قلبك بيصخين
ابسكنه غصب(ن) بليا جدالي
وهذا الذي حد المولع على الشين
على التوجد والبكاء والهجالي
لا شك لابد اليالي لنا تزين
واسلا معا الدنيا ويرتاح بالي
ختمت انا القول(ن)على قاف عزين
عزي من الدنيا وعزي الحالي



بييض الله وجهــك ، إخوووي " شويشان" ماقصرررت يامال العافيه

وصح الله لسسان شاعرنا الكبير رششود القباني
والله لايهينك