قصيدة اجتماعية من نوادر الشاعر العملاق الشاعر/ غنيم الخبيش الذي بات مظلوما اعلاميا ، فأردت أن أجمع له ما استطعت في منتدى القبابنة لتوثيقها والمحافظة على أشعار مثل هؤلاء الشعراء المظلومين اعلاميا.
يامل عيـنٍ كـل مانامـوا النـاس=غاب الفرح عن موقهـا والآناسـه
والقلب في سجعه وهجعه وهوجاس=مدري سبايب ضيقتـه وانعماسـه
الله يكافي كـن فالقلـب وسـواس=قلـبٍ سلوكـه مايـلادي عكاسـه
بلاّ يديـل بعالـمٍ طبعهـا اجنـاس=صار الحسد سلـمٍ لهـم والبلاسـه
الله يقطـع تاليـة كــل بــلاّس=اللي يحـط البذرمـه لـه سياسـه
يحسب طواريق النمامـه تنومـاس=مايدري انها مـن دروب الهياسـه
بعض الآوادم نمته مالهـا اقيـاس=ماهيب في جدوده درسهـا دراسـه
يضحك ليا جيته والي غبت لمّـاس=حلوٍ نبـاه وغيـب قلبـه نحاسـه
وخطوى العيال يجيك لشر مقبـاس=مقباس باس وجعل باسـه براسـه
وهوّه الي من سلللت حدب الامواس=لينـه يذايـر مايطـب المـداسـه
ومرشح ن نفسه على قب الافراس=لو هو ذليـلٍ مايعـرف الفراسـه
واشوف لي في ساير الناس هلاّس=هلاّس مجلس ساس قلبه خساسـه
وقت الرخى تقول للحـرد مقبـاس=وان جا المصيب يغيب قلّت جناسه
وان حذفت الحذفه من البعد له راس=يروغ عنها مثل صقـر البساسـه
هـذاك لاتقـرب حواليـه تنحـاس=تراه شخصٍ شلـص كلّـه نجاسـه
واخصال خلق الله جديـده ودرّاس=فيهم كما الفضه وشكـل النحاسـه
والطيب مثل البيت يبنا على ساس=قبله تموت ابيوت مامـات ساسـه
ولاياخذ الشيخات من يشكي الباس=الا زعيـمٍ يستـحـق الريـاسـه
قلبه على ظيم الليالـي والاتعـاس=مصبوب صب اسمنت كلّـه يباسـه
والله من اهل الطيب لايقطع الياس=وكلٍ على جسمـه يفصّـل مقاسـه