انا معى اهل الصنف سويـت مبـداي=مبـدن نغنيبـه علـى كــل غـايـه
كل المشارب قستهـا قـوس برشـاي=ماعاد يجهلني مع النـاس مـع شايـه
وانا معي راي ن وغيـري معـه راي=ولاكـل رجـال ن يشـيّـخ بـرايـه
وانا برايـي عـارف ن كـل ممشـاي=ادرى من المنقـود واقصـر خطايـه
الا الي مـن شفـت زيـن التخطّـاي=طـار السحـى منـي وجانـي بلايـه
الله يبلـى صاحبـي مـثـل بـلـواي=اللـي سليـت وردنـي فـي عنـايـه
يبغـى يعذبـنـي وهــو داي ودواي=لاكملّـت الاطبـاب عـنـده دوايــه
يامـا ويامـا يمهـم رايـح (ن) جــاي=امشـي وعينـي يمهـم فـي قفـايـه
ان رحت يمه كني امشي علـى يـاي=وان جيت منّـه كنـي ارجـع ورايـه
راحت حياتـي يمـه اقبـال واقفـاي=شابـت عيونـي ماعرفـت النهـايـه
الله ينهيهـا علـى امنـاي وارضـاي=ياقابـل الـدعـوات تقـبـل دعـايـه
انا كسيـر اللـي علـى الله مشكـاي=اشكـي عليـه ولا لغـيـره شكـايـه
في بحور غندور(ن) حداني على اقصاي=منـه ادلهـم الجـو واظلـم سمـايـه
مالـه علـي مصيـب لكّـن غـواي=قولـه علـى اللـي يستحيبـه قسايـه
من قو باسه سيـدي خـرّب احمـاي=وانــا الآوادم ماتـخـرّب حمـايـه
والله لـو بفتـن وسيـفـي بيمـنـاي=يانظرتـه بالعيـن تكسـر عصـايـه
الله واكبـر شفـت ذلــي بدنـيـاي=واصفت قليب المي وامـرس رشايـه
اعارض الطرشـان رجلـي ومطّـاي=كنـي عليّـه مـن محـلـي جنـايـه
من سبت اللي لاهرج يغضي اغضـاي=تجهر عيونـه مثـل شمـس المرايـه
سيـد العـذارى ود عينـه بـلامـاي=الله معـى لامــاه يسـعـد لقـايـه