أنكرك و أنساك سابع مستحيل
ومستحيل أعود ثاني لـ دنيتك
بك برود العاطفه أكبر دليل
وإنت تزييف المشاعر سكتك
شوف دمعي من على خدي يسيل
و الصدق ماهو بشروى دمعتك
عشت في حبك متيم بك بخيل
يا خساره شوف نفسك غرتك
أتحرى إن الذهب يبقى أصيل
ما يغيره الزمان و خطوتك
لا تلومني ترى حان الرحيل
وش تفيد جروح قلبي رقتك
العزاء ما يفيد في قلب قتيل
و التسامح ما يغطي غلطتك
خلني أحيآ وسط حلم جميل
و أعشقك و أهواك و أهوى سمعتك
أترجى و أطلبك طلبت خليل
في خيالي لا تشوه صورتك
إبتعد عني ودور لك بديل
كان تلقى من يداري عشرتك
للشاعر :
جمعه بن عيد المهيري