عن الفضائيات وغزو الغرب
والتحلي بتقاليده
رسالة محبه
يابنـت حــوا لاتصيـريـن اسـيـره=لوهـام وافكـار ومبـادي(ن) حقـيـره
والمسلميـن اهـل عفـاف(ن) وغيـره=يـوم الشـرف ينخـا شهامـة رجالـه
يالمسلـمـات المؤمـنـات العفيـفـات=لنـا تقالـيـد (ن)حمـيـده وعــادات
لا والـف لا لا لاماهانـو الشريـفـات=ولا يدنسـون اعراضنـا اهـل النذالـه
هـذا هـو الموجـز وباقـي التفاصيـل=قصـه مـن الواقـع وتحتـاج تـأويـل
سمعت صوت(ن) خافت(ن) في دجى الليل=يسئـال ولكـن مـن يجـاوب سؤالـه
وبعـد ان تحريـت الحقيقـه تبيـنـت=انهـا فتـاة وقلـت وش فيـه يابـنـت
قالـت مصيبـه علـم النـاس لاهنـت=عن قصتـي واكسـب ثـواب وجمالـه
انا فتاة(ن)صـرت اسيـره بـلا حبـس=بين المعاصي والذنوب وهـوى النفـس
والمجتمـع غافـل ولاهـي ولا حــس=كـل(ن) يفكـر فـي حيـاتـه ومـالـه
بين الخطـا والصـح والشـر والخيـر=استيـسـرتـنـا للهلاك التـفـاكـيـر
ويـش السـواه الله يجـزاك بالخـيـر=الوقـت يطـوي مثـل طـي المحـالـه
قلت اسمعـي وانتـي بـلا شـك حـره=اقولـهـا مــره وتسعـيـن مـــره
ولا رضـت بالشـك والـريـب حــره=عفافهـا شامـخ وعـسـر(ن) منـالـه
مـن يتبـع يابنـت نــور الهـدايـه=والشـرع والسـنـه فـلاهـو بتـايـه
والمسلـم الصـالـح تـقـدي بـرايـه=والديـن يسـر وشـرع ربـي عدالـه
إذا تبيـن الخـيـر يابـنـت حــواء=فالشـرع والسنـه طـهـاره وتـقـوى
وان كـان عييتـي فحيـل الله اقــوى=تري الأمل لو طـال عجـل(ن) زوالـه
تـذكـري يبـنـت يــوم القـيـامـه=بعـديـن والله ماتـفـيـد الـنـدامـه
توبي وسيـري مـع طريـق السلامـه=والله ماخيـب رجــا مــن يسـالـه
بعـض النسـاء مايحسبـون العواقـب=وعن هـادم الـذات ماحـد(ن) بهـارب
واللي سئـال ماظـل والنصـح واجـب=حـذرا وحـذرا مـن طريـق الجهالـه
المسلـمـه عـاشـت حياة(ن)كريـمـه=فـي دينهـا ستـر وعفـاف وحشيمـه
هـذي الحقيـقـه والنـوايـا سليـمـه=والمبتـلا نشكـي عـلـى الله حـالـه
الغـرب شوفـو كيـف حالـة نسـاهـم=سذج(ن) بلا حشمـه قليـل(ن) حياهـم
الله يقطعـهـم ويـقـطـع ثـراهــم=ويا ويـل مـن حـب الحيـاه اهتوالـه
والختـم صلـو عـد ماشعشـع البـرق=على النبي المصطفـى صفـوة الخلـق
اللـي بعـثـه الله بالـنـور والـحـق=للنـاس جمعـا يحمـل اشـرف رسالـه