أخوي راشد
أولاً عطني من وقتك شوي
ودي أقول لك كل عام وأنت بخير
بمناسبة هالشهر الفضيل يابعدي
ثانياً كل ماقلته في مشاركتك الجميلة درر
وأحلى من السكر مع القشطة
بس ماتشوف إنك مسكتن خط ياحول
أنا يالغالي يالله أقرأ العنوان ومتكاثره بعد
تجي الله يهديك وتهجول بي تقل هايلوكس من غير فرامل نازلن له مع دحديرة
وبعدين معك علم وش قالوا الأولين ( خير الكلام ماقل ودل )
يعني تكفى عطنا مويضيعات حليلة
بالإنقليزي ..... قصدي بالعربي ماهي طويلة
على شاني تكفى قل تم ... تم
الله مير يخليك لعينن ترجيك..... قل آمين
ومن شان ماتزعل
تقبل تحيات ومحبة ومودة وووو الخ
مغليك
عاشق نجد