ابويزيد انت تطالبنا بالحلم والواضح من ردك انك عصبت :a030:

ابو يزيد ليه كل شي مطلوب علينا !! يا اخي حنا وفرنا المنتدى وطورناه تقنياً وضبطناه وسهرنا عليه ودفعنا عليه اموال حتى صار بالشكل هذا .. الحين المطلوب منكم انتم مو منا
وليه حنا اللي نسوي دعايه !! ليه مو انت ومو العروان وباقي الأعضاء !!
والأقتراحات ليه ما يتم تنفيذها الا عن طريقنا .. ليه ما تبادر انت ويبادر باقي الأعضاء

خلنا واقعيين يا ابو يزيد انتم عليكم المطالبه واحنا علينا التنفيذ !! يعني هذا هو في رايكم اللي ينجح المنتدى
للمعلوميه يا ابو يزيد في شباب جزاهم الله خير سافروا ومشوا مسافات طويله على شان يجرون لقاءات مع كبار السن وكل هذا على شان مين في نظرك !! طبعاً على شان نجاح المنتدى والمحافظة على تاريخ القبيلة

الأمر ماهو في موضوع يتم طرحه ولا في رد ولاحظ ان حنا في منتدى قبيلة يعني كل شي مختلف هنا .

وبعدين انا يوم ذكرت الشماته ما كنت اقصد ابو يزيد ولا كنت اقصد الأعضاء انت عارف من اقصد وتعرف زين ان فيه ناس جالسه بس تتصيد الأخطاء وسبحان الله الحسنات ما تذكر ابد وبس لمجرد غلطه وحيده تلاقي هجومهم علينا والا نسيت اللي صار قبل فتره !!
فريق الأشراف مو مقصر ابد ولا يلحقه لايمه واللوم والتقصير من غيرهم
اما الأجتماعات اللي تطرقت لها في ردك على ابو خالد فـ بحمد الله مافيه شي نخفيه وكل مافي الأمر ان اخوان اجتمعوا ومو شرط ان حنا نكلم فلان وعلان هذا مو اجتماع مثل ما سميته هذا مجرد لقاء اخوي والأجتماعات جايه في الطريق وبعدين تبينا نجي ونسحبك من جده !! اللي في الرياض كلمناه وجاء يعني مافيه شي نخفيه ابد بس سبحان الله القباني يدور وين الزله ويذكرها مع العلم ان مافيه زله ابد

على العموم المنتدى توه راجع ولا بعد كملنا كم يوم والأمر يحتاج الى صبر وجهد واحنا بعون الله ماراح نقصر واللي نقدر عليه بنسويه .... والايام الجايه بتثبت لك كلامي

والله يوفق الجميع