تكفين ياالساحه ابي مسلسل غليس=حتـى تعلـم منـه مشاهـد ينـه
اذا الوطـن لمواطنينـه كوابيـس=بيحس بالغربـه مـن مواطنينـه
تعبت وانا اعيش خلف الكواليـس=ويسند بـدوري لاتفـه ممثلينـه
امتر الشارع واكيـل الدواعيـس=واسال زماني كم بقى من سنينـه
ياتل قلبي تلـه الهجـن فالريـس=والاالبعيـر اللـي حنينـه حنينـه
اوتل قرنـاس مابيـن القرانيـس=مانزلـوا مـن قيمتـه شابكينـه
تشبه نسانيس الصحاري نسانيس=لمكيفـات الفاخره بالمدينـه
الاوله حسب ظروف التضاريـس=والثانيه حسب ظـروف المكينـه
ترى الحياه العامـره بالنواميـس=هوى الفقير اللي عيونـه حزينـه
الياامتلك حاجـه بعينـه لاباليـس=صاحوا ورى مايملـك براحتينـه
لوقصرت كفه عن الكسب اوليـس=من حقـه انـه يمتلكهـا بعينـه
ثوره تمنـي فعلتهـا الهواجيـس=ثارت علـى قلـه كفـاءة يدينـه
وانا قريت ان الغنـى فالقواميـس=مثل الفقر رغم اختـلاف الثنينـه
ان الفقير اللي ماعنده احاسيـس=وان الغني اللي رضـوا والدينـه
كلام من واقع لكـن فيـه تلبيـس=يحتـاج فكـر نقحتـه السكيـنـه
زكاتكم واجب ياصـراره الكيـس=وشعوركـم زنديـق يامالهيـنـه
يقول سيدنا الخضر تقدر تقيـس=لانتـاج ممـا تحتويـه الخزينـه
ولوقال اعضاء التجـاره مفاليـس=قلنا حلال النـاس مـن مالكينـه
هدهد سبا اسلم على يده بلقيـس=وفرعون الحد شعب كامل بدينـه
ياكوكب الارض الخلايق متاعيس=بحورك غـزار وجبالـك متينـه
هاجر الى حد النجـوم المناكيـس=لايدمرونـك باالحسـد والضغينـه
المجتمع اما قضـاه او جواسيـس=وش هي حدود الشرع يامطبقينـه
على سفينه نوح من كـل جليـس=سلام تجري بـه ريـاح السفينـه