نطلب اللي يرفع العرش وينشي المخيل=آمر ٍ هدب المخايل تصب مزونها
جعل راع الشر ما ينتصر يبقى ذليل=وإن فتح عينه عسانا نطس عيونها
دارنا يا دارنا ما نبيعك بالقليل=علمّ اللي ودهم بالثمن يشرونها
كم صبي ٍ عندها طاح من ضرب الفتيل=والإسود عيال شيبانهم من دونها
لاد إبن قبان هل الطيب والعلم الجميل=ينطحون الشر لا من حضر مجنونها
أحمد الله جمعنا عند حلتهم ثقيل=لا يحبون الهزيمة ولا يطرونها
دارنا يوم الجهل ما نبي غيرك بديل=مدهل ٍ لجدودنا والقصور حصونها
جعل شيبان ٍ حموها على وقت ٍ طويل=جعلهم في جنة الخلد وسط ركونها