روحتنا مع درب مهوب لي درب=وخليتنا درب المعزة خلافي
أنا من اللي يشربون الوغى شرب=ويردون حيضان الوغى لو عيافي
ربعي بني قبان في موقف الكرب=لاجاء نهارٍ فيه تقطع وتافي
مخيلةٍ ساق الهواء نوّها غرب=وتحدرت براقها له إرهافي
تقرْوَت الضلعان من برك لا الدرب=درب الحصان اللي على الإسم وافي
سحابها من خيّله يلبطه زرب=نصوبها كدرات ماهي نظافي
براقها الهندي يبشر على الحرب=ورعادها البارود جاله إقصافي
هلت مطرها يفعل الكرب والضرب=ماها صرى ما ينشرب يا مكافي
وتلاحقت الأشعاب من سيلها الورب=منّه مناعير النشامى تخافي
غثاه جثي الزنايج على الدرب=جروم الرجال موردة كل هافي
مصري بضلعه صار للمعركة جرب=بضلع الغويبة زاد فينا التلافي
لا اْنهار طابور نشى في آخره سرب=تكشف ضغاينها للأنواء ترافي
متناوخين لين فانوسهم خرب=أقفوا على قبٍ عرايا عجافي
أملاكنا مشريةٍ من دمي عرب=نبيع الأنفس بيع رجل المطافي
حنا ملكناها بحدبٍ لها زرب=يومٍ الألحي عوج فوق الكتافي