ترى ردي الراي تعمى بصيرته =وتيهات الاريا مالهن دليل
ولا ينفع المحتاج الى قلت باكر=يجي ولا يلقى باليدين حصيل
الى عاد ماللرجل راي يدله=ياخذ من اشوارالرجال دليل
وترى هبيل الراي من لا يهمه= فراق الاخله والزمان طويل
وترى روضة الجثجاث مرن نباتها= مر ولو هي كل يوم تسيل
وعرق الندى يندى ولو كان بالي=يندى ولو هو بالمراح محيل
وان كان ماتعطي والايام عدله=فالايام لزما عدلهن يميل
العوشزه ماياقع الحر فوقها=ولابه لسمحين الوجيه مقيل
الا ما اكثر الخلان يوم نعدهم=كثير ويوم الموجبات قليل
وان كان مانفع الفتى في حياته=ترى النفع من بعد الممات قليل
من ابيات احفظها للشاعر جري الجنوبي من أهالي الخرمه