كان سعد القرقاح العبيدي القحطاني قد عاش عند القبابنه فتره من حياته وحينا عاد الى قبيلته كان يكثر من مدح القبابنه ويثني عليهم واختص في قصيدته مدح شيخهم في ذاك الوقت سعد الخبيش الجلال القبابنه (معشي العوشق) والملقب ايضا (براعي الصعداء) ويثني على الفارس حضرم بن شخيتل
يااهل الركاب اللي تقدون بسهيل ** انصوا مجنبة الردى في الرفاعة

ويااهل الكبوش اللي تربون والحيل ** انا دليلتكم لســــوق المبـــاعة

انـا دليلتكم على وادي الغيل ** يشري جلبكم ما بعد زل ساعة

وانا لقيت البن ياهل المعاميل ** البن جاله في العويرض زراعة

عند الخبيش اللي يهيله بلا كيل ** والهقوه انه ما يكيله بصـاعة

جماعه ابن شخيتل وافي القيل ** اللي يحطون المراجل طماعـة

قلته وانا ماني براعي مواكيل ** مير عجبوني بالكرم والشجاعة

قلته وانا من روس ربع(ن) مشاكيل ** اللي خذوا علمان نجد قلاعة

آلاد قحطان كمــا دافر السيل ** اللي ظعنهم للمعادي مراعة