الشاعرة فرجه بنت ظفرين القحطاني قالت هذه الأبيات مدحاً في
الشيخ حمد بن خريزان بن حمد بن ثلاب القباني
لما به من الخصال الطيبة كالكرم وحسن الضيافة كما تطرقت لخواله
أمثال دخيل الله بن حسن ( راعي مغراء ) وهو خال حمد من أمه
وكذلك خاله حقلان بن حسين بن عريج القباني والأبيات تقول :
يالله عسى ذا الحيش يبليه راعيه=جعله يقلط بشرته للجماعة
أبوه وجده بالمراجل مضرّيه=اللي مضرين عيالهم بالشجاعة
خاله من أمه كل فن ٍ وفاء فيه=شحّم سريه في ليال المجاعة
قالوا خواله قلت ماأحد ٍ يماريه=خواله اللي للمعادي مراعة