نطلب اللي يرفع العرش وينشي المخيل=آمر ٍ هدب المخايـل تصـب مزونهـا
جعل راع الشر ما ينتصر يبقى ذليـل=وإن فتح عينه عسانا نطـس عيونهـا
دارنا يا دارنـا مـا نبيعـك بالقليـل=علمّ اللـي ودهـم بالثمـن يشرونهـا
كم صبي ٍ عندها طاح من ضرب الفتيل=والإسود عيال شيبانهـم مـن دونهـا
لاد إبن قبان هل الطيب والعلم الجميـل=ينطحون الشر لا من حضر مجنونهـا
أحمد الله جمعنـا عنـد حلتهـم ثقيـل=لا يحبـون الهزيمـة ولا يطرونـهـا
دارنا يوم الجهل ما نبي غيـرك بديـل=مدهل ٍ لجدودنا والقصـور حصونهـا
جعل شيبان ٍ حموها على وقت ٍ طويل=جعلهم في جنة الخلـد وسـط ركونهـا

جعل شيبان ٍ حموها على وقت ٍ طويل=جعلهم في جنة الخلـد وسـط ركونهـا