تكلفك فيما لاعناك عذاب=والاجهاد بالحق المصيب صواب
فقلت على امثال (ن) قدام (ن) سمعتها=والامثال تورث من سنين احقاب
الى عاد ماللرجَال راي (ن) يدله=فماله من اريا الرجال ثواب
والى عاد ماشرب الفتى من يمينه= شرابه من كفوف الرجال سراب
فلا ينفع المضيوم الا ابن عمه=الى عض به من معضلاته ناب
ولاني بمن يضحك بوجه رفيقه=ويعلق الى من غاب فيه صواب
فانا الى من راح في نازع المدى=ورا العام واوزاه الزمان وغاب
اصير له درع (ن) حصين (ن) خلافه=ومن دون عرضه متقي وحجاب
يلومونني بالحرص ولاهوب شيمتي=فلا شك ماناشت يدي اقضاب
سوى مهرة (ن) صفرا وعود ن من القناء=وسيف (ن) له ادماء الرجال شراب
وجوزية تسحب على كل حزه=الى قيل ناخت بالمضيف ركاب
وذم الفتى مادام ماجا مذمه=كالمدح في شخص (ن) ردي (ن) هاب
فوالله يامدح (ن) على غير خيّر=كما طن في لوح الهجير ذباب
ومالناس الا من تراب ومعادن=وماطاب من تلك المعادن طاب