(((((((((((((( الـــــمــــدرســــــة ســـــورها مـــــن دون بـيـــــبـاني ))))))))))
مساكم الله بالف خير ووووولتواصل معكم هذه المتواضعة عسى الله ان يكتب لها قبول عندكم :
ياللي تجمع هروجك لاتحداني=خلك بجنب العجوز وفي حراويها
انهل من الوالده مع مر الازماني=ادروسها ( كورس ) تاخذها وتعطيها !!
قناتها تدّوخ يالله لا تبلاني=محطه العجز من يقدر يناحيها
نفذ حركاتها مع قدر الامكاني=ياللي حفظت الدروس وجيت حاديها
تلميذ بطران والتفكير شيطاني!!=خربتها باول الحصة وتاليها !!
درست في المدرسة وصبحت عمياني=وعيونك الشهب ياليتك تداويها ؟؟
المدرسة سورها من دون بيباني!!!=الله يخلف على اللي دارسً فيها !!!
ضيعت نفسك مع التعليم مجاني!!=ولا جبت لك سالفة تدهن علابيها !!!!
تكذب على الناس ((يابلير البريطاني))!!!=وجيوشك الغازية ماعاد يمديها
ارجع على ديرتك ورتاح يافلاني=خل المشاكل لحاكمها وقاضيها
في عالم المرجلة منتب كحيلاني=واليا طرت لك تسويها تسويها
الغطرسة والتكبر شوف الاعياني=في داخل الراس شايلها وطاويها !!!
مالك مع الناس لا فزعة ولا اخواني=غديت في ليلةٍ والبرد قافيها
وان عود الجو نار وفية دخاني=((النار ماتحرق الا رجل واطيها ))
والله لاحطك مابين الناس نيشاني=واللي سواتك نعالجها ونكويها
الشر بالشر والاحسان باحساني=حاضر بحاضر نبرمجها وتوحيها !!!
دخلت في التهلكة وامسيت خسراني=علوم النشاما تضايق ماتدانيها
وان كانها حد سيف وشوشت حصاني=ربعي رجالً تنومسها هقاويها!!!
اهل الكرم والظفر ذربين الايمان=قبيلة يشهد الحاضر لماضيها!!!
افخر وآماري بفعل ابطال جداني=افعالهم خالدة مانيب ناسيها !!!
من يحتمي موقفة والخد ميداني!!!=ترفع له الراية البيضاء وعليّها
دون القبيلة سوات الذيب سرحاني!!!=لاجاء المصامخ يعقلها ويثنيها!!!!
عان الحميا تداحم وسط شرياني=ونفسي على كمخت العايل مضريها
مير انتبة واعرف الاول من الثاني=مانلتفت في الرخوم وفي دواديها !!!
جتك النصيحة بتوقيعي وعنواني=خلك بجنب العجوز وفي حراويها