ياطول ليل الرياض وياثقل دمه=من يوم قلبي فقد له واحد ٍ غالي
من غاب عني ونفسي شايله همه=إلين ضاقت من أسبابه سعة بالي
فيني من الحزن مايصعب علي لمه=وشلون أبفرح وأنا ماأشوفه قبالي
ياحزني اللي تعبت أبوح في كمه=والله لو ماأنت ماكانت كذا حالي
كلي جروح ٍ على آهات ملتمه=وكل جرح ٍ تعبه أقسى من التالي
ياللي تنادي بعال الصوت من فمه=وش فيه قلبك غدا كنه خلا خالي
باقول باكر يزول الغيم والغمه=والشمس تشرق على دنياي من عالي
ويالله ياللي عليك العدل والهمه=ترأف بحالي وحالة من هم أمثالي
وترد من هو خذاني الشوق من يمه=الغالي اللي بقلبي دايم ٍ غالي
الشاعرة / تذكار الخثلان