هاض الضمير وكل ماقلت له جاب = قافٍ يكفي عن ثمانين جابه
سلام ياحلال عسرات الأنشاب = فلاح ابن ماضي عريب النسابه
صنديد في نطح المهمات لولاب = في نطحت القالات يحسب حسابه
صميدعاً يشفيك في حزم كلاب = قوي عزم ليا تنصى الطلابه
حلال قالاتً تعقد بالاسباب = الاّ ويشفي في نهار الحرابه
تعيش ياريف الرفاقه والأجناب = واللي سواتك عظم الله ثوابه
ضد الحريب وريف قصار الأقراب = لك رايةً بيضى تعز القرابه
ياشيخ ياللي للنواميس كساب = من راس ابوه اللي من الراس جابه
أبوك قبلك من كريمين الأشناب = يضرب على درب الخطر مايهابه
ياهل المفاخر ياعريبين الأنساب = قبابنه ترمي العشا لذيابه
ليا ثارت الهيجاء وجات ام غصاب = وثار الدخن والجيش درهم ضبابه
يا هل الفعايل يازحازيح الأقطاب = كم واحداً خلوه يشكي صوابه
يكسر عليه الطير في راس مرقاب = يوم المراجل بين أهلها نهابه
فلاح ريف اللي من الوقت منصاب = ليا صار يشكي من زمانٍ عثابه
طيبٍ على معناه ماهوب نصاب = دنيا ودين ومن رجال الذرابه
يمشي على التقدير فكاك الأطلاب = درب العداله والشجاعه مشابه
وليا بغاله درب ماهوب هياب = عزام جزاماً براسه صعابه
القاف سويته وانا خاطري طاب = والصدق والله ماينقّص عقابه
جاك الكلام وصامل الهرج بكتاب =من معرفة موجٍ تلاطم غبابه
هذا وصلى الله على سيد الأحباب = على شفيع الخلق سيد الصحابه