(( ما نطالب احد بالتسجيل لأن المنتدى مفتوح للجميع من جاء ياهلا وغلا فيه ما جاء الا في بيته وبين اخوانه ومن راح بسلامته محد جابره ))
........
الاخ الفاضل مساعد
اسمح لي ان اقولك هذا خطأ ووجهة نظر قاصره ولا تخدم المنتدى حيث انك من الناس الذين لهم نشاط بارز في المنتديات والعلاقات تقول هذا الكلام ومن ضمن فريق الاشراف . ماهو عيب ولا فضيحه اذا اجتمعت مع احد من الربع سواء في عزيمه او في اي مناسبة ان تدعوهم للمشاركه والتسجيل في المنتدى وتبين لهم وجهة نظرك من ناحية الموقع . انا ما اقول لك حب على رؤسهم ونزل من مستواك العالي في الترجي والتوسل لأي قباني تعرفه ان يسجل لكن هناك طرق واساليب واجب على كل واحد منا ان يسلكها لدعم اكبر عدد من الاعضاء .

........

(( يا ابو يزيد شف انت وش قدمت للمنتدى !!! ))

...
مساعد
لو ان الكلام هذا صادر من احد غيرك كان عرفت ارد علية . . انا ياستاذ مساعد مانيب احسن وافضل الناس في المنتدى ولانيب اسوأهم وانزلهم مرتبة . . ماراح اعدد لك وش سويت لأني انا اعتبر نفسي مقصر والمواضيع اللي نزلت اعتبرها ماتوفي بالغرض . . . لكن !!
انا لا أملك العصى السحرية لظهور بالمظهر الكامل ولكنني أبذل السبب والباقي على الله سبحانه وتعالى . . ولاهو شرط أن اي عمل او موضوع اطرحه يعجب مساعد او فلان من الناس لأن لكل واحد مبدأ ورأي واقتناع ووجهة نظر . . لاتتفكر انني اقول هذا الكلام من اجل ان مساعد مارد على مواضيعي في المنتدى غلط اذا كان بيروح بك التفكير الى هذه الناحية . . ما احد مجبر على الرد وهذا مبدئي وشعاري والدعوى قناعات قبل كل شي .

...........
(( حنا نتقبل النقد ,,, ولا تهمنا الشماته وبكره الأيام بتثبت لك ان حنا صح وهم اللي خطأ ))
....
مساعد
ناقضت نفسك بنفسك . . . كيف تقول هذا الكلام وردك السابق يقول غير ذلك . . . الشفافية والنقد الهادف معدوم كما يتضح لي . . وتعتبرون فريق الاشراف من ينتقدهم او يبيدي ملاحظه بذلك يكون تجاوز الخطوط الحمراء للمشرفين وياويله وشق جيبه وربي يعينه على الرد .
اخي الكريم
من يتشمت عليكم يا اخي قل زيزوم او قل فلان مافيه شي المنتدى للجميع وحنا عارفين بعض ولا هناك شي خافي طالما ان المصلحه واحده والهدف واحد . . . . الشماته صفه سيئه ولاهيب لرجال الطيبين واذا كان هناك احد متشمت فخص ولاتعم لأن كل قباني في المنتدى معروف بوجهه .
.....
ارجو ان تتقبل هذا الكلام بصدر رحب وتأكد ان نجاح المنتدى لايقوم على فريق الاشراف وحدهم والمنتدى للجميع ولابد ان توسعون صدوركم لأي شخص يقول رأيه بوضوح احسن من يقوله في القفى ويبربر في المجالس .
وشكراً