قصيدة الخفجي ... للشاعر الكبير عبدالله بن فايز القباني
إمتداد لسلسلة شعراء القبابنة المعاصرين ، نلقي الضوء هذه المرة على شاعر كبير من شعراء القبابنة وهو الشاعر / عبدالله بن فايز بن فراج ال غليظ القباني ، ونختار من قصائده هذه القصيدة التي قيلت بمناسبة تحرير الخفجي من أيدي قوات العراقية الغاشمة :
زارنا صدام يبغى السواحل ومحروم=دونها جيشٍ يضيم العدو ولا يضام
يا ملكنا سرّ بنا في رجاء الرب الرحوم=من يموت شهيد والحي يرفع له مقام
الوطن دونه نحـرّج على الروح ونسوم=واقفين ٍ وقفت طويق في وجيه الخصام
كلنا جنده إلى جاء من الجيران قوم=نلبس البدلة وحنا مدابيس الظلام
لو يجابهنا عدو الشريعة بالسموم=عندنا ترسانة الدين تبطل كل سام
يا شباب المملكة لا تجمل بالهدوم=إنفض غبار ااردى عنك وادخل بالنظام
ادعموا درع الجزيرة وخلوكم قروم=واعرفوا انه ما يشد الحديد إلا اللحام
انتدرب وإنتعلم على حرب النجوم=لين نلحق قدمنا بالمناعير الكرام
انشد الخفجي عن افعولهم ياللي تنوم=ساعةٍ في ليلهم طيرها بالصبح حام
وانشد الصاروخ عن ضربنا وقت اللزوم=تخبرك ترسانته عن فعايلنا شمام
لا غدى عج المدافع كما دفر الغيوم=ننطح البارود وان كـتـّمت مثل الغمام
العدو خطط وركز علينا بالهجوم=والسواحل دونها إنا إلى إشتد الزحام
لا إشتعل صلف التماتيك والحربي يحوم=يجفل الحرّاب من ضربنا يبغي السلام
ضربنا بمبرمجات يدكن الحزوم=ادعم القوات وازحف بنا يا إبن الإمام
حن هل الردات عاداتنا لطم الخشوم=لا تقابلت الطوابير قفلنا الكلام
العدو ندعوه بالسلم وإنا اهل السلوم=وإن عصى ندق رأسه مع صلب العظام
العدو صفه نحطه بعون الله ثلوم=لين يركع لله اللي خلق كل الأنام
انتحرى للخبر كل ليل وكل يوم=وإنترقب دعوة من الحرس نمشي تمام
من توخر جعل يصدم كمين ولا يقوم=والله انا ستر عذرى تحجـّب باللثام
قلتها وأنا من اللي يدكون الرسوم=ويرسمون حدود الأملاك بكبود الحشام
ملكنا من جال برك ٍ إلى خشم القحوم=ما خذينه بالمشوك ومجرود الحسام
الثمن روس النشاما مع حدبٍ تهوم=من طلوع الشمس حتى تنـّحى للختام
المراجل وإن دعتنا لبسنا لبس روم=وإن دعتنا المرجله نذبح الحيل الجسام