قصيدة بمناسبة اليوم الوطني
أملي أن تحوز على رضاكم وقبولكم
وكل عام وأنتم بخير
كلنا حـب الوطـن فينـا أكيـد=والأكيد إن الوطـن منـا وفينـا
مانسـاوم بالوطـن لا مانحيـد=وللأمانة للوطـن حـق ٍ علينـا
تحت أوامر صاحب الرأي السديد=حاكم ٍ ليمن أمر بأمـره مشينـا
ذاك أبومتعب عسى عمره مديـد=وأبوخالد والـي العهـد الأمينـا
وأسرة آل سعود من وقت ٍ بعيـد=أسرة ٍ طول الزمـن متكاتفينـا
كلهـم مـع كلنـا سيّـد وسيـد=شعب واحـد بالتلاحـم ثابتينـا
مانهاب الموت مانخشـى وعيـد=نردع الطاغي ومنهـم معتدينـا
نستعيد أمجاد ماضينـا المجيـد=يوم أبوتركي مشـى بالأربعينـا
نيتـه لأمجـاد آبـائـه يعـيـد=في خفوقه للوطن شوق وحنينـا
وأستعاده بعد هالجهـد الجهيـد=بعد صبر ٍ أنهكه طـول السنينـا
وذوّب الصعب مثل تذويب الجليد=وأرتقى درب المعالي وأرتقينـا
صرنا أخوة بعد ترحال وشديـد=في وطن يزهو بحب المسلمينـا
امتطينا صهـوة العلـم المفيـد=نهجنـا نهـج الأسـود الأولينـا
نبني الآمال مع الفجـر الجديـد=نحمي حدود الوطـن مانستهينـا
ومهما نكتب من مشاعر أو قصيد=للأمانـة للوطـن حـق ٍ علينـا