ياطويل المعنق ياوسيع النحر = يانحيف المعزل ليش لابس عباه
يكفي من العبايه تاج لي انحدر=لف به عالمفاتن والصدر والقطاه
وغط نور الترايب واستره بالشعر= خصلتينن تكفي تستره عن عراه
اتحدى بعودك كل عود خضر=واتحدى بلينك لين غصن الجداه
كن خف اتزانك مثل بنت المطر=أنت خطرت تمشي فوق نادي ثراه
خلوة من يشوفك إلا أنا والقمر=والقمر من بياضك ينعكس لي ضياه
اتعشم لوصلك والمحبه خطر=مثل من عام غزرن بين موت ونجاه
فرصة العمر ساعة والبقايه كدر=وأن تكدر مزاجي وين بلقى رضاه
مابقى شي عزم ولا بقى لي صبر=راضني ياحبيبي واطلب اللي تباه