((( قصيدتي بمناسبة حفل سباق الابل الذي اقامة الشيخ مطلق الفطيماني )))) لقبيلة السهول
بدعوة كريمة من اخوي / عبدالله بن مطلق الفطيماني للحضور في حفل سباق الابل الذي اقيم يوم الخميس الماضي الموافق 14 /8 /1427 هــــ على شرف رجل الاعمال الشيخ مطلق بن صقر الفطيماني لقبيلة السهول الذي اقيم في منطقة الصمان وقد شاركت اخواني الشعراء بهذه الابيات المتواضعة والقصيدة كمايلي :
مايشوشني ويقعد راسي=غير قافٍ لا سمعته مره
احذف الغتره بدون احساسي=هب يالنادر ولله دره
واعتزي بالله قوي الباسي=واستعيذ من اللعين وشره
ثم اجيب الحبر والقرطاسي=والشرايد في البحر مع بره
شاعرٍ يطرب مع النسناسي=جر صوته والهبوب تفره
جابها مثل الذهب والماسي=والمعاني كلها مفتره
بتعب افكاري مع الهوجاسي=والبيوت النادرة منثره
ارحبي عندي بدون قياسي=واللعي وسط الحشا واكره
في مديح اللي على النوماسي=يعسف امجاد الزمن ماضره
مطلق اللي ماخذٍ مرواسي=في المراجل مالحق له جره
شوق عذراً عودها مياسي=بنت شيخٍ بالدلع منغره
ومن رجالٍ يلبسون الطاسي=في نهارٍ يشتعل من حره
شاع ذكره طيب الارماسي=ولا غبطنا صانعين الذره
احتزم في الموقف الحساسي=وارخص المال الحمر ماصره
في المزاين ثبت المجلاسي=ساق رجله والعدا محتره
لا نثنى عزم الردى ونحاسي=انتهض مطلق وجاب الدره
البطولة حطها بقواسي=قال هذا منزلي ومقره
راسين مثل الجبل والراسي=مايحركه الهوى لا مره
نفتخر في طولت النبراسي=والوجيه من الدجر محمره
ولرتكز عج الحماس القاسي=في العيون الهابيه بنذره