أبدى بذكر اللي له الفضل والمنه=الواحد المعبود علام الاسرار
رافع سماه وخالق النار والجنه=حامي نبيه من طواغيت الأشرار
اهو الذي لامره سجدنا وآمنا=وهو الذي بيديه تدبير الاقدار
لولاه ماصرنا ولولاه ماكنا=ولولاه ماتجري السفينه فالابحار
هذا وانا مني سلام مثنا=نيابة عن ربعي طويلين الاشبار
يامرحبا باللي لفا في وطنا=اعداد ماهلت من المزن الامطار
واعداد ماناح الحمام وتغنا=وعداد نجم الليل وعداد الاقمار
يامرحبا بالضيف والضيف منا=ضيف عزيز له حشيمة ومقدار
هم آل نويف سقم منهو تجنا=عدوهم يسقوه من كاس الامرار
ألاد حراك زبون المعنا=من لاد قبان بعيدين الانظار
يردون حوض الموت والموت سنه=لاجا نهار فيه دخان وغبار
وكل القبايل دون شك وظنا=فيها رجال تكرم الضيف والجار
والختم صلوا عد ما الطير غنا=على رسول الله في كل الاقطار