أون وريـــــــاح الــلــيـالـي تـــونِـــي=والـبرد فـي جـوفي كـما الغار خاوي
مــاكـن لـــي عــقـل ٍ ولا قـلـب كـنـي=جــذع ٍ وقـف فـي وجـه الأيـام ذاوي
وبـــي عــبـرة ٍ مـحـبـوسة ٍ تـمـتـحني=وفي عيني وحلقي وصدري شكاوي
وبــي مـن قـديم الـوقت جـرح ٍ مـكني=وبـي مـن جـديد أيـام وقـتي مـكاوي
إن قـلـت زانــت خـالـف الـوقت ظـني=وإن قـلـت هـانـت عـاجـلتني بــلاوي
أجـــامـــل أيـــامـــي ولا جــامــلـنـي=هـامـت بــي الـدنـيا هـيـام الـخـلاوي
الــوقــت جــايـر والـلّـيـال أسـهـرنـي=والـحـزن مـا بـين الـضلوع مـتلاوي
أون وكــــلٍ يــحـسـب إنــــي أغــنـي=عـلـيل وكــل ٍ يـحـسب إنــي مــداوي
الأمير خالد الفيصل ( دايم السيف )