يهْـل المزايـن زايـد البـذخ خلـوه=ياخالطيـن الشيـن بالزيـن مخطيـن
لا تغضبـون الـرب بللـي فعلـتـوه=لجل المظاهـر تصرفـون الملاييـن
الخيـر والمعـروف دربـه عرفتـوه=كِلْ يوم يغني بطركُـم ألـف مسكيـن
مشعل أميـر الجُـود قولِـه سمعتـوه=ماللتـعِـصِّـب والمظاهرمـيـاديـن
وكأس المُؤسـس كِـلْ شعبـه تمنـوه=يسلمْ له اللي يدعمُونـه مـن إسٍنيـن
فيه إفرحـو بحـدود كـان إستلمتـوه=من كفْ مشعل يوم عرض المزاييـن
لكن بلا تبـذ يـر وإزعـاج مكـروه=لاالرب يرضابه ولا النـاس راضيـن
أسبـاب تدميـر القـرى ماجهلـتـوه=الله يقـول إلـى إفْسقوبَـه غنيـيـن
تبذيركـم خصَّـيـت لا لا تـزيـدوه=يهْل الكـرم والطِّيـب منتـم ردييـن
الجُـود ورث جـدود وأنتـم ورثتـوه=وأنتم هل المعروف وأنتم هـل الديـن
ماسبكُـم مانيـب جاهـل ومسـفـوه=لكن خطاكُم يجـزع القلـب والعيـن
ذبْح (ن) وصلخ ورقص والصوت شِلتوه=حذف العجر وإسيُوف من فوق مِترين
واللـيـل كِـلِّـه للمظاهِرسهـرتـوه=صارت مضايفكُـم للأجـواد تسميـن
حتى الفضا بـزود المهايـط مليتـوه=بعروض تِشبه يـوم عـودة فلسطيـن
ولجْـل المكاسـب ماشريتـوا دبلتـوه=مازاد عن حـدِّه بـه النـاس داريـن
البـل عطاالرحمـن وأنتـم شريتـوه=بالمـال هـذا دوركُـم يالعزيـزيـن
لـوْ الخواجـه مالـك المـال بعتـوه=أصبـح ينافسكُـم بزيـن البعـاريـن
فـي واجبـه ياليـت مـالٍ بذلـتـوه=يشفع لكم يـوم العمـل لِـه موازيـن
ليته علـى المِحتـاج مـالٍ صرفتـوه=بـأ قرابكُـم جيرانكُـم والبعيـديـن
وإلا سجيـن الطِّيـب والخيرفـكَّـوه=كمْ من سجيـنٍ مطلبـه دون خمسيـن
وإلاإمْتعفـف داخـل البـيـت زوروه=ماهُوب يقـدر حاجتـه والصغيريـن
الخالـدي قالِـه عساكُـم عـذرتـوه=بالقيـل ينصـح مايسـب الكريميـن
ودام الوطن في عِـز واللِّـي تولَّـوْه=حِكَّامِـه آل سعـود للدِّيـن حامِـيـن
ويحفظ لِه الليِّ يغلي الشعـب وأغلـوه=عِـزِّه مـع إخوانِـه معـزه وتمكِيـن
الشاعر فهد الطويان