الأخ الغالي حد الرهيف
من الأخوان المقربين على نفسي طلب مني تثبيت هذه القصيدة في قسم الشعر الشعبي
وقد سبق وأن نشرتها في إستراحة المنتدى تحت موضوع
( ماهو شعار مهرجان ديار القبابنة لهذا الصيف )
ولمحبتي له ومن الصعوبة أن أرفض له طلب هاهي أمامكم بلحمها وشحمها
يحقك لك يابو العيـون النواعيـس=تجـوب الديـار وتقتنـي ماتمنـا
وتقضي نهاية عطلتك وسط باريس=وأنا كثير إن رحت مصايف وطنـا
ما خالجك بالليل هموم وكوابيـس=واللي غنـي مثلـك لـزوم يتهنـا
بعكس الذي دايم جيوبـه مفاليـس=ولا له قصـور ٍ كمـا لـك تبنـا
يملك طموح ماله حدود ومقاييـس=لا شـك وقتـه بالقسـاوة تجـنـا
ويمشي مع العالم وهو خالي الكيس=وليا طرت له حاجـة ٍ جـر ونـا
مابين لوعات الزمن والهواجيـس=وإن هو شكى للغير رد ما أشتحنا
يصير في عين البشر كنه إبليـس=ويصرفونـه بيـن مـنـا ومـنـا
وإنتا ولا مرّت بدربـك عواكيـس=تمشي لـك الدنيـا بـذوق ٍ وفنـا
ويحق لك يابو العيـون النواعيـس=تجني ثمـر دنيـاك علـى ماتمنـا
محمد القباني