قصيدتنا في هذه المشاركة لشاعر من شعراء القبابنة الشباب والذي نتوقع له مستقبلاً جميلاً في صياغة القصيدة النبطية
شاعرنا هو صابر بن رشيد بن مساعد القباني
وقد أهداء هذه الرائعة للأخ العزيز والقدير
عبد الله بن راشد الحبيش
عجزت أدوّر بالقصـايد والأشعار=مافـيهن اللـي يابـو راشد تسـاويك
الشعر في مدحـك يقصّر ويحـتار=تقصـر شـبوره دون مـدح ٍ يوفّيك
إسمـك يزيد الشـعر رفعة ومقدار=مـن هيبتك كـن القصايد تحاكـيك
ملكـت تاج العـز والطيـبة شعار=حـب التواضع يالسـنافي ظهر فيك
صيتك غزى العالم مثل نور الأقمار=ونلـت المحـبة مـن قلوب ٍ تطرّيك
وافي ولا بك عيب ياطـيّب الكار=ورفـعـت روس ٍ بالمعزّة تخـاويك
تقضـي اللزوم ولا تبالي بالأخطار=وتعرف طريقك قبل تمشي خطاويك
عبدالله إقـبلها هـديـة وتذكـار=قصـايد ٍ لـو تجـتمع مـاتساويك