المشاركة الأصلية كتبت بواسطة النايف

هذي قصيده قريتها واعجبتني لشاعر( غازي العجمي)

وحبيت انقلها لكم..

وان شاء الله تعجبكم ...

انا غرامي بنت مـن يذبـح الحيـل
بنت اللذي للطيب يسكـن ديـاره

راعي الدلال الصفر والبن والهيـل
فكاكـه الانشـاب ماهـي عيـاره

كم شيخ قومن طاح في عجت الخيل
بسيوفهم ينزف وتبكـي صغـاره

واخوانها صقورن تحدى الرجاجيـل
والكل منهم محتكـم فـي قـراره

وعمانهـا وقـت الملاقـا حلاحيـل
لاشفتهم قلـت إشبلاهـم سكـاره

ماهم سكـاره شـرب وإلا مهابيـل
من فعلهم هابـت اسـود ونمـاره

عدوهـم لـو راح وابعـد تراحيـل
لابـد ماهـم يفجعونـه بـغـاره

وخوالها بالطيب يشهد لهـم جيـل
يوم الفقر والجوع حـط اعتبـاره

بمراحهم لاجيـت شفـت التهاويـل
تقول هذا إمراح قصـب وجـزاره

وامن الرحم تضرب عليهم تماثيـل
وبيت الرحم معروف واضح مساره

لاجيت ابوصف زينها شـي ماقيـل
قلبي عليهـا هايـمٍ فـي مـداره

ام العيـون الناعسـات المظالـيـل
بانفاسها عطرن يزيـد انتشـاره

وجه القمر.. لازار نورة مع الليـل
نور الفجر.. لاوالله شمس بنهاره

ماكنهـا إلا بالسمـا نجمـة سهيـل
شعلـة تعلـت.. لاوربـي منـاره

إليا مشت تاقـف جنـود واساطيـل
هي سيدة للبيـض تـاج الامـاره

كل الجمـال يتـوج براسهـا كليـل
بدويتـن لاقـيـل زاد افتـخـاره

ماهي بشر حوريـة إتبيـد الحيـل
وبشفاتها لون الجمـر بحمـراره

عريبة الجدين تبعـد عـن الميـل
ولادوجت في سوق شرق وفنـاره

ولاسمعوا الجيران صوت التعاليـل
ولاقالت تؤبرني ابيلـي استمـاره

ولاتلبس البنطـال مثـل المداخيـل
ولاقطت البرقع وقالـت حضـاره

ملبوسها ستـر وحجـاب القناديـل
فيها الحيا معروف بسم الطهـاره

بنت الاصايـل للظـروف المقابيـل
تصبر على بلواك يـوم إنفقـاره

وجدي عليها وجد من ينطر السيـل
وده يشوف الارض زايد خضـاره

لولا الامـل نرسـم معاناتنـا ويـل
واحلامنا تنزف الم فـي مسـاره

انا غرامي بنـت ذيـب الرجاجيـل
بنت اللذي للطيـب شبـاب نـاره