هذا الله يسلمن ويسلمكم سبحانيه لي وانا ببطن اميمتي
مثل ماتعرفون بالبداية يوم كنت نطفه ظنيت اني من كريات الدم البيضاء
مادريت اني من بني البشر الا يوم قالت الدكتورة مرفت لميمتي مبروك ياست هانم ( بنفود الثويرات وهانم ماتنترقع ) إنتي حامل :e045:
عاد اميمتي من الفرحة :a040: حطت ايده على بطنه في المكان اللي انا مخيم بوه عرفت اني المقصود وفهمت اني مشروع بني آدمي
بيني وبينكم ضاق صدري وطقتن ام الركب .. قلت وش لي بوجع الراس اطلع لعالم ثاني واصير انسان وبوه حساب وعقاب وادرس ثمن اتخرج ولا القا وظيفه
همس لي عقلي ( حلوه همس كاتبه ولا ادري وش لون طلعت ) قال احمد ربك بتطلع وبيصير عندك ايميل وماسنجر وهايلوكس غمارتين :e0025: وصديق مثل ولد الربدي :a018: وخوي مثل ولد امير الشمل :a042: راعي البعرات الي بالصندوق وشيل ابوك وحط ابوك
صحيح انه يطفشن هالطلوع من بطن اميمتي بس ماعليه دامن بشترك في منتديات القبابنة
قلت له ( اعني الدكتورة مرفت ) واصير مشرف في المنتدى ( حلم مادام مابوه وظيفه وغزه قالو به اليهود والعرب كلن يقول الزين عندي قصدي الحل عندي وفلوسنا اويلاه تناهبوه اليهود عملاء اسرائيل والضعوف راحوبه وردد ياليل مااطولك بوقته تذكرت فنان شريطه معي بالهايلوكس :e0025: يقول لاضاق صدري قلت مااطولك ياليل الله يعين الي شكا من خليله ) المهم والله ياني شطحت
نرجع لم الدكتورة مرفت قالت كل تبن الا ذي
فرحت انا قلت أجل بطلع هلحين قالت بدري ياعمري باقي تسع شهور ( تحطيم) :a02010:
المهم الزبدة يوم صار لي خمسشهور كنت حاس اني ذكر بس قلت يمكن اكون بنت - لحوووول
جلست اقطع من الشعيرات الدمويه واقول ( غلام غلامه .. صبي صبيه .. بزر بزره )
وانا خاش جو وافكر سمعت صوت ابوي يكلم اميمتي حاولت اركز وش يقول له قربت اذني الي تقل وجه بربري :h050: طلع ابوي يتغزل بميمتي
كنت بتصل عليهم او اني ادق عليهم بيجر واقول استحوا انا اسمعكم بس لم تسنح لي الفرصة
بصراحة استحيت من كلام اميمتي وابوي قلت اغفي وانام احسن لي :c015:
عيب اصير مباحث قصدي استخبارات يارباه يافارس عوض اتصنت عليهم بعدين يعاقبن ربي
ويصير ولدي يتصنت علي
جلست امص (احم احم خلوكم هنا) اصبع رجلي لين نمت وبعد فترة سمعت صوت قوووي يتجه ناحيتي قمت بطولي
الا ويرتطم راسي ببطن الوالده اميمتي آآآآخ بس قوة الصوت نستن حرب اميركا على افغانستان والعراق
الوجع الله لايوريكم تقل شلال ( الطوقي ) بعد هالامطار ( والله ياجانا شي بالثويرات ولد الربدي بغى يغرق بس ربك لطف وشفط عج :c040: اما كحيلان الهايلوكس :e0025: ياهي نشبت نشبه لو هي تهرج نادت اليايان كله ) المهم هالوجع تقل شلال مدحدر علي جيت احط رجلي واهج
منا ولا منا هنا ولا هناك مابوه مجال ربي ستر ومر من جنبي وماتأذيت طلعت الوالده حقتي الله يهديها
شاربه مويه بكميه كبيره على غير العاده
بس والله تونست جلست العب بالمويه واطافش برجولي كنت بسبح بس ماعندي مايوه وناقصن ولد الربدي وولد امير الشمل وشعيب ولد بداح
وهو اللي يجين الشهر السابع وهي تروح الوالده اميمتي يرافقه معاليه والدي الكريم للدكتورة تطمئن اميمتي على صحته
طبعن خذت طوله اميمتي وانسدحت على السرير وابوي واقف جنبه ( بيحسسه بالأمان ) (تكفى يانور ولميس ) قلت حشااا ليه هو انتي حامل بوحش !!
الدكتوره مرفت حطت جهاز على بطن اميمتي وبدت تحرك يمين يسار فوق تحت ( ذكرن طابور الصباح ايام الثانوي والبيه مدرس الرياضه عبدالغني ) وههم يشوفونن على الشاشه
عاد انا قمت اتدلع واحرك رجلي وافتح هالغمص عيوني واغمضها بنعومه وامص اصبعي
واميمتي وابوي يتبادلون نظرات الحب والرومانسيه مفشخرين من الضحك ( صفقون ان عرف معناه ولد أمير الشمل ) ويوم شالت مرفت الجهاز وهي الي تنقطع الرؤيه عن
عاد سألت اميمتي الدكتوره مرفت متى موعد الولاد قالت باقي شهرين
سمعت الخبر ويجين انهيار عصبي :g035: شهرين يامفتريه خلاص انا طفشت انكتمت الجووو حار مافيه الا مكيف صحرواي حتى مايبرد ودون لنفود الثويرات بس
قلت مايصبرن غير النوم ونمت شهرين طقه وحده وانا الي اصحي من النوم وحسيت بملل وفراغ قاتل حاولت ارفه عن نفسي ورحت العب لعبت الحبل بستخدام الحبل السري
واجلس انطط واغني ( من فارق الخلان ربي يعينه الله يعين اللي على الغبن صبار )
وفجأه من قوة النطنطه تزحلقت وانقلبت وصار راسي تحت ورجولي فوق قامت اميمتي تصررخ
خذه بوي على طووول لقرب مستشفى قال الطبيب هذي ولااااااااده
انا سمعت الخبر وانا افرح مابغينا نطلع اعوذ بالله وش هالتكه
وبديت اكشخ وارتب حالي استعد للقاء الأول مع صديقي بالحضانه ولد الربدي ولا يهون ولد أمير الشمل
واميمتي كل شوي تتعالى صرخاته اجدعوه على السرير
متوجهين به لغرفة الولاااااده وأبوي يمشي جنبه على باله مسوي شي وهي كله ليله وجاب ماعندوه
(يمدحون السنافي والفياقرا)
ويقول له لاتخافي انا معاكي (يارباه يالمعلق فارس عوض ) ترد اميمتي اخاف اموت وانا اووولد
ابوي رد عليه والدموع تنهمر من عينيه ياجعل يومي قبل يومك <===<< متأثر بالأفلام
وانا اقول ماوصلنا لغرفة الولادهـ انكتمنا ياهوه هوّوووووووونا يعني عطونن نفس
طبعنً نقلوا اميمتي للسرير الموجود بالغرفه وجا الدكتور طلعت ومعاه النيرسات ( لازم اعلمكم وش معناه بعدين )
قال الدكتور طلعت لميمتي زفيييييييييير امي فهمته عكس ادتها شهييييييييييق واذا انا الي انشفط شفطت ولد الربدي :a042: وادخل جوّووا دقيت اميمتي بكوعي
قلت له يقولك زفير زفير الظاهر اميمتي سمعتن وزفرت زفرة وتدفعن بقوه وانا طلع سرعتي 180 ميغابايت
وطلع كل شي فين الا خشمي قلت لحووووول هذا الي كنت خايف منه
استدعى الدكتور الطاقم الطبي عشان يطلعون خشمي حاولو المره الأولى والثانيه
مانفع وبعد ثالث محاوله طلعوه ( الثالثه ثابته ) على قولت زميلنا المعلق عبد الله الحربي
جلست ابكي واقول للدكتور طلعت غض البصر يامال البربلوم
وتشيلن التيس قصدي النيرس ( هالحين عرفتو معناه )
على يده وتلفن بهاك الأبيض وانا اللي افز فزت الهايلوكس :e0025: وأقول
ياسلاااااااام
واخيرن انتهت معااانات
عاشق نجد