ياناس خوفوا من ولي المقادير=خوفوا من الله قبل كشف السريرة
تشنون وضح ٍ من خيار المغاتير=وضح ٍ إسناد وزاهيتها الظهيرة
منسوعة الغارب وهزعا المواخير=رثمى عريضة خد خدة سميرة
وصف رقبتها مثل دق الخيازير=اللي معه سكان شرق الجزيرة
من ساس ذود ٍ فالجزيرة مشاهير=من ذود إبن صاهود مكرم قصيرة
اللي قناها سعود ريف المعاسير=زبن الجريم اللي حياته خطيرة
شيخ ٍ إليا ضاقت فجوج ومعابير=شيّال نطّاح الأمور العسيرة
أشهر من أبانات وأشهر من النير=وبل الوسام اللي مزونه غزيرة
واليوم حظي جابها يالمناعير=وأظنها من عند ربي بريرة
إن قالها الله ربّعت في المخاضير=في خايع ٍ يزكمك نفحت عبيرة
في فاطري ماأقبل مزوح العيايير=حتى ولو قالوا تراها كبيرة
هذا مثل ماقيل لفته وتحذير=ومن عاد شنّينا عليه المغيرة