بسم الله الرحمن الرحيم
اخوني الكرام أعضاء ومتصفحي منتديات القبابنة السلام عليكم ورحمة الله وبركاته وبعد : مما قاله : الشيخ الشاعر / تركي بن حميد العتيبي رحمه الله من قصيدة طويلة في القهوة العربية
نومك طرب وانا بنومي هواجيس
ماساهرك بالليل كثر الهمومي
اسهر ليا نامت عيون الهراديس
وبالليل اراعي ساهرات النجومي
قالوا جهلت وقلت جهل بلا قيس
الجاهل اللي ما يعرف اليمومي
اشوف عدلات الليالي مقابيس
ولاأحد من الدنيا عظامة سلومي
الى أن يقول :
يجلي صدى قلبي ضبيح المهاريس
لاقام شراب الحشايش يعومي
ودلال فوق النار دايم مجاليس
اكرامهن حق علينا لزومي
من صنعة الصبة وخمس التحاميس
برية يعمل بها كل يومي
وبهارها هيل بليا حواسيس
وكيف يعدا للنشامى القرومي
وقال : الشيخ خلف بن دعيجا الشراري رحمه الله في القهوة العربية
يا شارب الكيف الحمر سو فنجال
ترى المراجل ساسها نية الخير
فنجال خطو الغشمري يشرح البال
وقت الضحى لاقربت حومة الطير
صبه على شيالة الحمل لو مال
زمل الصخاني ماتهاب المخاسير
وقال : دبيس بن مهلهل رحمه الله في القهوة العربية
وادلتي واقو صبره علينا
خمسين عام مافهقتة عن النار
صبة على اللي لاركب يتبعونة
لانفضواعقب العواني بالانكار
وعده على اللي دايم ينحرونه
اللي يشببهم لياجوه خطار
وعده على اللي لابته يمدحونة
فكاك تال القوم كان الدخن ثار
واقصر عن اللي ماتعدد فنونة
مهو على طرق المواجيب صبار
وقال : ابراهيم بن ربيعان في القهوة العربية
ياما حلى وان حاشك الليل وامسيت
والصبح قمت ليانت بارض بياحي
وصبيت من ماء الشرب ثم توضيت
وذكرت منهو دايم الدوم صاحي
وشطرت نارك للمعاميل شبيت
والارض له يومين عليه رواحي
وحمست ماحاشن يدينك ودقيت
بنجر طلوع الشمس صوته صياحي
تطرب لصوت مونسك بالتصاويت
ياما حلى صوته بهاك النواحي
وسويت فنجال على شربه اشفيت
يغدي العماس ويودع الراس صاحي
منقول وأنتم سالمون وغانمون والسلام .